وڭىردە «امانات» سايلاۋعا باقىلاۋ جۇرگىزۋ جونىندەگى ازاماتتىق پلاتفورماسىنىڭ بۇقارالىق اقپارات قۇرالدارى وكىلدەرىنە ارنالعان ءباسپاسوز-كونفەرەنتسياسى ءوتتى. جيىندا «امانات» ازاماتتىق پلاتفورماسىنىڭ مۇشەسى, موبيلدىك كاپيتانى ارمان ەشمۇراتوۆ ۇيىمنىڭ قىزمەتى مەن ماقساتى جونىندە تولىق اقپاراتتار بەرىپ, سايلاۋشىلاردىڭ مىندەتتەرى مەن تالاپتارى جونىندە ءتۇسىندىردى. بارلىق باعىتتار بويىنشا حالىقارالىق ۇيىمدار, وسك, جەرگىلىكتى سايلاۋ كوميسسيالارى, جوعارعى سوت, جەرگىلىكتى اتقارۋشى ورگاندار, باس پروكۋراتۋرا, كانديداتتاردىڭ سايلاۋالدى شتاب-پاتەرى, باق, عىلىمي-ساراپشىلىق قاۋىمداستىق جانە ازاماتتىق سەكتوردىڭ وكىلدەرىمەن ىنتىماقتاستىق جاسالعان. سايلاۋ كەزىندە قانداي دا ءبىر زاڭ بۇزۋشىلىقتار تىركەلسە قايدا حابارلاسۋعا بولاتىنى جونىندە دە كەڭەستەر بەرىلدى. جالپى, قوعامدىق پلاتفورماسىنىڭ جۇمىسى 5 باعىت بويىنشا جۇرگىزىلەدى. تەڭدىك باعىتى قوعامدىق باقىلاۋعا دايىندىق جۇرگىزۋ كەزەڭى بولىپ تابىلادى. سانالى تاڭداۋ - بۇل ماڭىزدى كەزەڭنىڭ ءبىرى. سايلاۋشىلارعا سايلاۋ ناۋقانى جونىندە اقپاراتتاردى بەرۋ مەن ولاردىڭ زاڭدى قۇقىقتارىن تۇسىندىرۋگە باعىتتالعان. ادىلدىك باعىتىنداعى ماقسات - سايلاۋ ۋچاسكەلەرىنىڭ جۇمىسىن الەۋمەتتىك جەلى ارقىلى ساپاسىن كوتەرۋ, باقىلاۋ, ال كەلىسىم باعىتىندا اقپاراتتاردىڭ بارىنشا اشىق ءارى وبەكتيۆتى بولۋىن جانە ازاماتتار, جۋرناليستەر, ساراپشىلار پىكىرىن تىڭداۋ شارتتارى قاراستىرىلعان بولسا, سەنىم باعىتىندا قوعام مەن مەملەكەتتىك ورگاندار ىنتىماقتاستىعىن تەڭەستىرۋ كوزدەلگەن.
كونفەرەنتسيا سوڭىندا قاتىسۋشىلارعا سەرتيفيكاتتار مەن «سايلاۋشىلار بلوكنوتى» تابىس ەتىلدى.
ماڭعىستاۋ وبلىسى