ەلباسىمىز نۇرسۇلتان ءابىش ۇلى نازارباەۆ ءوزىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا «جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەك» دەپ جاستاردى قولداپ, وسى جىلدى جاستار جىلى دەپ جاريالاۋدى ۇسىنعان بولاتىن.
«قازاقتانۋ» جوباسى اياسىندا جاس كوشباسشىلاردىڭ ارتىنا ەرگەن جاستارعا ايتار قۇندى قازىناسى بار دەگەن ويمەن ماڭعىستاۋ وبلىسى قازاقستان حالقى اسسامبلەياسى وڭىرلىك زيالى قاۋىممەن «مەنىڭ جەتىستىگىم – مەنىڭ ەلىمنىڭ جەتىستىگى» تاقىرىبىندا كەزدەسۋ وتكىزدى.
بۇل شاراعا مۇنايلى اۋدانى باسقۇدىق اۋىلدىق وكرۋگىنىڭ اكىمى وسەر تلەپوۆ, «ۆايناح» چەچەن جانە ينگۋش ەتنومادەني بىرلەستىگىنىڭ وكىلى, «ەمير-ويل» جشس باسقارماسىنىڭ باسشىسى دجامالايل ەليمحانوۆ, «جاڭعىرۋ جولى» وڭىرلىك شتابىنىڭ بەلسەندى مۇشەسى ارداك گازيبەكوۆا, «باستاۋ» بيزنەس جوباسىنىڭ بيزنەس ترەنەرى رايحان بەكبەرگەنوۆا جانە وزگە دە بەلسەندى جاستار قاتىستى.
كەزدەسۋ اياسىندا قاتىسۋشىلار تالقىعا سالىنىپ وتىرعان تاقىرىپ توڭىرەگىندە ءبىر-بىرىمەن پىكىر الماسىپ, باعىت بويىنشا بولاشاقتا ناتيجەلى ىزدەنىستەر جاساپ, ءوز جۇمىستارىنىڭ العا قاراي دامۋىنا جەمىستى ۇلەس قوسامىز دەپ سەنىم ءبىلدىردى.
كەزدەسۋدە مەملەكەتتىڭ نىعايۋىنا, ۇلت ۇلىلىعىنىڭ قايتا جاڭعىرىپ, گۇلدەنۋىنە, دامۋىنا قازاقستاننىڭ ءاربىر جاس ازاماتى مۇددەلى دەگەن ماسەلەلەر قوزعالدى.