كەزدەسۋگە ءار ءتۇرلى باعىتتاعى 50 كەۇ وكىلى جينالدى. ولار ءبىر اۋىزدان اقپاراتتى تىڭداپ, قويعان سۇراقتارىنا تىكەلەي جاۋاپ الدى. كەزدەسۋ بارىسىندا انىقتالعانداي, ازاماتتىق سەكتوردى نەگىزىنەن كەلەسىدەي ماسەلەلەر تولعاندىرادى: الەۋمەتتىك كاسىپكەرلىكتىڭ كادىمگى بيزنەستەن ايىرماشىلىعى نەدە, جوبا سمەتاسىن قالاي قالىپتاستىرۋعا بولادى, جك جانە جشس جانە ت.ب. سياقتى ۇيىمدار قاتىسا الا ما؟
«Samruk-Kazyna Trust» الەۋمەتتىك جوبالاردى دامىتۋ قورىنىڭ وكىلدەرى وسى جانە باسقا دا سۇراقتارعا جاۋاپ بەرىپ, جوباعا قاتىسۋدىڭ جالپى ەرەجەلەرى مەن تالاپتارى جانە وتكەن جىلدىڭ تاجىريبەسى تۋرالى اقپاراتپەن ءبولىستى.
««ارەكەت» وتە وزەكتى جانە سۇرانىسقا يە جوبا. كەۇ ءۇشىن بۇل يدەيانى ىسكە اسىرۋ جانە جۇزەگە اسىرۋ مۇمكىندىگى. مەن بۇگىن الەۋمەتتىك كاسىپكەرلىكتى اشۋ جانە دامىتۋ جونىندە پايدالى اقپارات الدىم. ءبىزدىڭ ۇيىم اتالمىش گرانتتار بايقاۋىنا قاتىسۋدى جوسپارلاپ وتىر», - دەيدى كەزدەسۋگە قاتىسۋشى – ««شاراپات» جاستار مۇگەدەكتەر ۇيىمى» قب توراعاسى راۋشان مانانباەۆا.
«ءاREKET» گرانتتار بايقاۋى - الەۋمەتتىك ماسەلەلەردى شەشۋگە ىقپال ەتەتىن ۇزدىك بيزنەس-جوبالاردى انىقتاۋعا ارنالعان جوبالاردى بىرىكتىرەدى. ءبىزدىڭ قور تەك گرانتتار ءبولىپ قانا قويماي, ءبىرىنشى كەزەكتەگى مىندەتىمىز - كەۇ-نى بيزنەس پەن ماركەتينگتىڭ قازىرگى زامانعى قۇرالدارىن قولدانا وتىرىپ, ءوز بەتىنشە تابۋعا ۇيرەتۋ. كەزدەسۋ بارىسىندا ءبىز بايقاۋدىڭ قالاي جۇمىس ىستەيتىنىن, ول ءۇشىن نە قاجەت ەكەنىن جانە قانداي قاتەلىكتەردەن اۋلاق بولۋ كەرەكتىگىن تولىق تۇسىندىرەمىز», - دەيدى «Samruk-Kazyna Trust» الەۋمەتتىك جوبالاردى دامىتۋ قورىنىڭ وكىلى يرينا دۇيسەنوۆا.
بۇعان دەيىن حابارلانعانداي, گرانتتار بايقاۋىنىڭ ءبىرىنشى كەزەڭى 3 ماۋسىمدا باستالىپ, 30 ماۋسىمعا دەيىن جالعاسادى. وسى كەزەڭدە قاتىسۋعا مۇددەلى بارلىق كەۇ بايقاۋ تۋرالى ەرەجەگە سايكەس ءوتىنىم بەرۋگە ءتيىس.
كەلەسى كەزەڭ ەكىنشى كەزەڭگە وتكەن كەۇ-عا تولىق ءوتىنىم بەرۋگە ارنالماق. ۇمىتكەرلەردى ىرىكتەۋدى ارنايى كوميسسيا جۇرگىزەتىن بولادى, وعان مەملەكەتتىك ورگاندار, حالىقارالىق ۇيىمدار, بيزنەس جانە الەۋمەتتىك سالا وكىلدەرى كىرەدى.
ۇيىمداستىرۋشىلار, ءۇشىنشى كەزەڭ ىرىكتەۋدەن وتكەن كوممەرتسيالىق ەمەس ۇيىمدارعا ارنالعان ءۇش كۇندىك ءبىلىم بەرۋ باعدارلاماسى ىسكە اساتىنىن ايتادى. وقۋ سوڭىندا كەۇ وكىلدەرى الەۋمەتتىك كاسىپكەرلىك بويىنشا ءوز جوباسىن قورعاپ, ۇزدىك دەپ تانىلعاندار 3 ملن تەڭگەگە دەيىن گرانت الادى.
ەسكە سالساق, بيىل «Samruk-Kazyna Trust» قورى «ءاREKET» جوباسىنا 150 ملن تەڭگە بولگەن. بايقاۋ اياسىندا ءار مۇددەلى كوممەرتسيالىق ەمەس ۇيىم 3 ملن تەڭگەگە دەيىنگى مولشەردە گرانتقا ۇمىتكەر بولا الادى.
الماتى