ۇكىمەت باسشىسى وبلىس ورتالىعىنا كەلگەن بويدا «Turkistan international airport» حالىقارالىق اۋەجايى قۇرىلىسىنىڭ ورنىنا كاپسۋلا سالۋ راسىمىنە قاتىستى. جوبا YDA Holding تۇرىك كومپانياسىمەن بىرلەسىپ ىسكە اسىرىلادى, تارتىلاتىن ينۆەستيتسيا كولەمى – 70 ملن اقش دوللارىنان استام.
YDA Holding باسقارما ءتوراعاسى ارسلان حۋسەين اۋەجايدىڭ حالىقارالىق ستاندارتتارعا ساي جوبالاناتىنىن جانە سوڭعى شىققان قۇرىلىس تەحنولوگيالارىن پايدالانا وتىرىپ سالىناتىنىن ايتتى. تەرمينالدىڭ وتكىزۋ قابىلەتى جىلىنا 3 ملن جولاۋشىنى قۇرايدى. نىساندى 2020 جىلدىڭ سوڭىندا پايدالانۋعا بەرۋ كوزدەلگەن.
جۇمىس ساپارى اياسىندا الەۋمەتتىك نىساندار مەن اكىمشىلىك ماقساتتاعى عيماراتتاردى سالۋ بارىسى قارالدى, ونىڭ قاتارىندا وقۋشىلار سارايى, تۋريستىك باعىتتاعى كوللەدج, سپورت جانە مۋزىكا مەكتەپتەرى, سپورت سارايى, حالىققا قىزمەت كورسەتۋ ورتالىعى, اتتراكتسيوندارى بار پارك, مۋزىكالىق سۋبۇرقاق, امفيتەاتر, سونداي-اق وبلىستىق اكىمدىك, مەديا-ورتالىق جانە كونگرەسس حولل بار.قالانىڭ تاريحي-مادەني ورتالىعىندا ق.ا.ياساۋي مۋزەيىن, وبلىستىق عىلىمي-امبەباپ كىتاپحانانى, شىعىس مونشاسىن سالۋ جانە ۆيزيت-ورتالىعىنىڭ عيماراتىن رەكونسترۋكتسيالاۋ جۇمىستارى تەكسەرىلدى.
سونىمەن قاتار پرەمەر-مينيستر ساياباق پەن «نۇر-سۇلتان» الاڭىنىڭ, نەكە سارايىنىڭ, «Rixos Turkestan» قوناقۇيىنىڭ قۇرىلىسى باستالعان الاڭداردى ارالاپ كوردى.
جاڭادان سالىنىپ جاتقان عيماراتتاردى ەلەكتر ەنەرگياسىمەن ۇزدىكسىز قامتاماسىز ەتۋ ماقساتىندا تۇركىستان قالاسىندا «ياسسى» شاعىن ستانساسى سالىندى. قازىرگى تاڭدا ىرگەتاسىن قالاۋ جۇمىستارى جۇرگىزىلىپ جاتىر. ا.مامينگە نىساندى 2020 جىلدىڭ ءبىرىنشى جارتىسىندا پايدالانۋعا بەرۋ كوزدەلىپ وتىرعانى باياندالدى.قالاداعى جولدار ساپاسىن جاقسارتۋ جانە كوشەلەرىن اباتتاندىرۋ جۇمىستارىنا دا ەرەكشە كوڭىل ءبولىندى.
پرەمەر-مينيستر ا.ماميننىڭ ءتۇركىستان وبلىسىنا جۇمىس ساپارى اياسىندا جالپى سوماسى 1,97 ملرد دوللاردى قۇرايتىن 5 قۇجاتقا, ءتۇركىستان وبلىسىنىڭ اكىمدىگى مەن «ەكو-كۋلتۋرا» رەسەيلىك كومپانياسى اراسىنداعى 1,1 ملرد دوللارعا كەلەس اۋدانىندا اۋماعى 500 گا بولاتىن جىلىجاي كەشەنىن سالۋ ءجونىندەگى ءوزارا تۇسىنىستىك تۋرالى مەموراندۋمعا; يندۋستريا جانە ينفراقۇرىلىمدىق دامۋ مينيسترلىگى, تۇركىستان وبلىسىنىڭ اكىمدىگى جانە KAZAKHSTAN CHN-KZ ELECTRIC INDUSTRIAL PARK GROUP قىتاي كومپانياسى اراسىندا 524 ملن دوللارعا «تۇركىستان» يندۋستريالىق ايماعىندا ەنەرگەتيكالىق جابدىق پەن بۇيىمدار شىعارۋ بويىنشا قازاقستان – قىتاي يندۋستريالىق پاركىن سالۋ جونىندەگى ءوزارا ءتۇسىنىستىك تۋرالى مەموراندۋمعا; ەنەرگەتيكا مينيسترلىگى, ءتۇركىستان وبلىسىنىڭ اكىمدىگى ءجانە KAZAKHSTAN CHN-KZ ELECTRIC INDUSTRIAL PARK GROUP قىتاي كومپانياسى اراسىنداعى 225 ملن دوللار سوماسىنا كەنتاۋ قالاسىندا قۋاتى 200 مۆت بولاتىن «قوتىربۇلاق» جەل ەلەكتر ستانساسى مەن كۇن ەلەكتر ستانساسىن سالۋ جونىندەگى ءوزارا تۇسىنىستىك تۋرالى مەموراندۋمعا; تۇركىستان وبلىسىنىڭ اكىمدىگى مەن «KazPV LTD» جشس اراسىنداعى 100 ملن دوللاردىڭ قازاقستاندىق كرەمني نەگىزىندە فوتوەلەكترلىك مودۋلدەردى پايدالاناتىن, قۋاتى 100 مۆت بولاتىن كۇن ەلەكتر ستانسالارىن سالۋ جونىندەگى ءوزارا تۇسىنىستىك تۋرالى مەموراندۋمعا; تۇركىستان وبلىسىنىڭ اكىمدىگى مەن POLCOTTON LTD پولياك كومپانياسى اراسىنداعى 27 ملن دوللار سايرام اۋدانىندا اۋماعى 21 گا بولاتىن جىلىجاي كەشەنىن سالۋ ءجونىندەگى ءوزارا تۇسىنىستىك تۋرالى مەموراندۋمعا قول قويىلدى.
تۇركىستان