قازاقستان پرەزيدەنتتىگىنەن ءۇمىتكەرلەردىڭ ۇگىت-ناسيحات جۇمىستارى كانديداتتاردىڭ باعدارلاماسى مەن ءومىرلىك ۇستانىمدارىنا بايلانىستى ەرەكشەلەنىپ تۇرعاندىعى بايقالدى. ماسەلەن, بىرەۋلەرى ءبىرىنشى كۇننەن-اق حالىقپەن كەزدەسۋلەر ۇيىمداستىرسا, ەندى بىرەۋلەرى پلاكاتتار ءىلىپ, حالىق نازارىن اۋدارۋعا تىرىستى. بۇل – قىسقا ۋاقىتتا ىقتيمال سايلاۋشىلارىنا ءوزىنىڭ نەگىزگى يدەيالارىن جەتكىزۋگە باعىتتالعان دۇرىس قادام. ايتالىق, ۇمىتكەرلەر مەن ولاردىڭ سەنىم بىلدىرگەن وكىلدەرى ءوڭىرلەردە جۇرتشىلىقپەن كەزدەسىپ, باعدارلاماسىنىڭ نەگىزگى باعىتتارىن تۇسىندىرۋگە كىرىستى.
سونداي-اق بيىلعى سايلاۋدا ءۇمىتكەرلەر الەۋمەتتىك جەلىنىڭ كۇشىن پايدالانۋدا. الەۋمەتتىك جەلىگە ورنالاستىرىلعان باعدارلامالار مەن سۋرەتتەرگە حالىقتىڭ بەرىپ جاتقان باعاسى دا ءار الۋان. بىراق بولاشاقتا بۇل باعىتتاعى جۇمىستار جۇيەلەنۋى كەرەك دەپ ويلايمىن.
ۇگىت-ناسيحات جۇمىستارىنىڭ ءبىرىنشى كۇنىنەن-اق قانداي دا ءبىر ءۇمىتكەرگە شەكتەۋ جاسالدى, حالىقپەن كەزدەستىرمەدى, زال بەرمەدى دەگەندى ەستىمەدىم. دەمەك, وسىنداي تەڭ جاعدايدا ءۇمىتكەرلەر ءوز مۇمكىندىكتەرىن جىبەرىپ الماۋى كەرەك.بەرىك ابدىعالي,
ساياساتتانۋشى