- بۇگىن ءبىز ۇلى وتان سوعىسى ارداگەرى ەڭسەگەنوۆ كەڭەسباي اتامىزعا گۇل شوقتارىن الىپ, ارنايى جەڭىس كۇنىنە دەپ «جەڭىس ءۇشىن راحمەت!» دەپ اتالاتىن كادەسىيىمىزدى تابىستادىق. بۇل كىسىلەرگە سىي-سياپاتتان بۇرىن ىقىلاس پەن جىلى نيەت, امان-ساۋلىق سۇراسقاننىڭ ءوزى ءبىر عانيبەت, - دەدى ەرلان قاليەۆ. بەيبىت ءومىر جولىندا كۇرەسكەن ارداگەرلەردىڭ سانى جىل وتكەن سايىن ازايىپ بارادى. جاڭاوزەندىك قحا وكىلى ارداگەردىڭ قال-جاعدايىمەن تەك مەرەكەدە عانا ەمەس, بىلاي كۇندەرى دە بارىپ ءبىلىپ, اڭگىمە-دۇكەن قۇرۋدى ادەتكە اينالدىرعان. ال, بۇگىنگى كەزدەسۋ ەرەكشە بولدى. دارىگەرلەر ارداگەردىڭ قان قىسىمىن ولشەپ, وعان دارىلەر مەن دارۋمەندەردى سىيعا تارتتى. سونىمەن قاتار, ۇوس ارداگەرىنە گۇل مەن ازىق-ت ۇلىك پاكەتى تاپسىرىلدى. بەرلينگە دەيىن بارىپ, بىرنەشە وردەنگە كەۋدەسى تولعان كەڭەسباي ەڭسەگەنوۆ جاستارعا ءوزىنىڭ اتالىق اق باتاسىن بەردى.
ماڭعىستاۋ وبلىسى