مەرەكەلىك دۋمانعا الماتى قالالىق قازاقستان حالقى اسسامبلەياسى حاتشىلىعىنىڭ, قازاقستان حالقى اسسامبلەياسىنىڭ مۇشەلەرى, نازارباەۆ ۋنيۆەرسيتەتى الماتى قالالىق وكىلدىگىنىڭ, قازستا, ەتنومادەني بىرلەستىكتەردىڭ وكىلدەرى, «جاڭعىرۋ جولى» رجق, «جاراسىم» رجب بەلسەندىلەرى مەن ستۋدەنتتەر قاتىستى.
سالتاناتتى كەزدەسۋدە ۇرپاق ساباقتاستىعى مەن وتانسۇيگىشتىك سەزىمدى نىعايتۋ ماقساتىندا الماتى قالالىق قازاقستان حالقى اسسامبلەياسىنىڭ «ايبىن» اسكەري-پاتريوتتىق كلۋبىنىڭ مۇشەلەرى ارداگەرلەرمەن كەلەلى سۇحبات قۇردى.
جينالعاندار قىزىقتى ءارى قانىق كونتسەرتتىك باعدارلامانى تاماشالاپ, قحا «قامقور» اكتسياسى اياسىندا ەلى ءۇشىن قان كەشكەن قامكوڭىل قاريالارعا سىيلىقتار تابىستالدى.
«ەل اراسىندا ءسوز قۇدىرەتىنە دەگەن مىزعىماس نانىم ساقتالعان. شىن نيەتپەن بەرىلگەن اق باتا كوزدەگەن بيىك مۇراتتارعا جەتۋگە بىردەن ءبىر سەپتىگىن تيگىزەتىندىگىنە حالقىمىز سەنگەن جانە سەنىپ تە كەلەدى. سول سەبەپتى, «باتا بەرۋ» داستۇرىنە ساي قۇرمەتتى اقساقالداردىڭ باتاسىن الۋدان ۇلكەن سىي جوق»,- دەيدى باسقوسۋعا مۇرىندىق بولعان دوستىق ءۇيىنىڭ ۇجىمى.
سونداي-اق ت.جۇرگەنەۆ اتىنداعى قازاق ۇلتتىق ونەر اكادەمياسى ستۋدەنتتەرىنىڭ ۇوس ارداگەرلەرىنە ارنالعان جۇمىستارى كورسەتىلىپ, ءان مەن بيدەن شاشۋ شاشىلدى.
الماتى