كورمەدە «گەورگي حالانسكيدىڭ ستۋدياسى» كوپشىلىك نازارىنا جاس سۋرەتشىلەردىڭ شىعارماشىلىعىن ۇسىنادى. ەكسپوزيتسياعا قىلقالام شەبەرلەرىنىڭ كەسكىندەمەلىك جانە گرافيكالىق مانەردە ورىندالعان ءۇش جۇزگە تارتا تۋىندىسى قويىلادى. بۇل – ستۋديانىڭ 20 جىلدىعىنا ارنالعان مەرەيتويلىق كورمە. كورمەگە قاتىسۋشىلار ءۇش جىل بويى دايىندالعان. ەندى كورەرمەندەر ولاردىڭ ۇزدىك شىعارمالارىمەن تانىسا الادى. مۇنداعى ءاربىر سۋرەتشىنىڭ ءومىر تۋرالى ءوز ويلارى مەن جەكە وزدەرىنە ءتان قولتاڭبالارى, سۇيىكتى تاقىرىپتارى مەن ورىنداۋ تەحنيكالارى بار.
«ءبىزدىڭ الدىمىزدا سماعۇل باحتياردىڭ ءپوزيتيۆتى يرونياسى, تالاەۆا ەكاتەرينانىڭ شارتتى شىنايىلىعى, شرامكو وكسانانىڭ ليريكالىق رەاليزمى مەن تساي ولگانىڭ سەزىم ءسيمۆوليزمى اشىلادى. سۇيىكتى ەرتەگىلەرىنىڭ قاھارماندارى ءتىرىلىپ كەلەدى, سۋ استى پاتشالىعى تۇرعىندارىنىڭ فانتاستيكالىق وبرازدارى, جارىق دۇنيەگە قايتىپ ورالعان بالالىق شاقتىڭ كورىنىستەرى, پورترەتتەر, سەزىمدەر مەن ارماندار سۋ بەتىنە قالقىپ شىعادى», – دەيدى مۋزەيدىڭ ءباسپاسوز حاتشىسى كلارا يساباەۆا.
كورمە ۇيىمداستىرۋشىلارى كورەرمەندەردى اتى اتالعان سۋرەتشىلەردەن وزگە ۆەرا ۆودنەۆانىڭ شىعارماشىلىعىمەن تانىستىرادى. ونىڭ كەستەسى جوعارى ساپاسىمەن, تەرەڭ كولوريتىمەن جانە ءاربىر دەتالعا ەرەكشە كوڭىل قويۋىمەن ەرەكشەلەنەدى.
الماتى