بەيبارىس - «تۇركىستان با­رىسى»

ۇلتتىق سپورتىمىزدى دامىتۋ ماقساتىنداعى «تۇركىستان با­رىسى» ءتۋرنيرىنىڭ اشىلۋ سالتاناتىندا شاردارا اۋدانىنىڭ اكىمى بولاتبەك قىستاۋوۆ پەن وبلىستىق دەنە شىنىقتىرۋ جانە سپورت باسقارماسىنىڭ باسشىسى پولات قىرىقباەۆ قۇتتىقتاۋ ءسوز سويلەپ, بالۋاندارعا ساتتىلىك تىلەدى. وڭىردەگى قازاق كۇرە­سىنىڭ اقساقالى سانالاتىن بەلگى­لى سپورت­شى, قازاقستان رەسپۋب­لي­كا­سىنىڭ ەڭبەك ءسىڭىر­گەن جات­تىق­تىرۋشىسى» باقىت جاڭ­بىر­باەۆ بوزكىلەمگە شىعاتىن با­لۋاندارعا اق باتاسىن بەردى.

تۋرنيردە اۋداندىق جانە قا­لالىق ىرىكتەۋلەردە في­نال­عا شىققان 32 بالۋان باق سى­نادى. جوعارى دەڭگەيدە ۇيىم­داستىرىلعان جارىستا ءاربىر بالۋان وبلىس دەڭگەيىندە بارىس اتانۋعا بارىن سالدى. دەگەنمەن, كىلەڭ «سەن تۇر, مەن اتايىن» دەي­­تىن با­لۋانداردىڭ اراسى­نان بابى مەن باعى كەلىسكەن ءتۇر­كىستاندىق بەيبارىس ابدىعالي باس جۇلدەنى جەڭىپ الىپ, «تۇركىس­تان بارىسى» اتاعىن يەم­دەن­دى. تۋرنير جەڭىمپازىنا ارنا­يى بەلبەۋ, كۋبوك جانە ديپ­لوم, سونداي-اق شاردارالىق سپورت جاناشىرلارىنىڭ دەمەۋ­شى­لىگىمەن الىنعان تەمىر تۇل­پاردىڭ كىلتى سالتاناتتى جاع­دايدا تابىس ەتىلدى. تۋرنيردە ءىى ورىندى يەلەنگەن كەنتاۋ قالا­­سىنىڭ بالۋانى دارحان جامال­­حانعا 300 000 تەڭگەنىڭ, ءىىى ورىن يەلەنگەن وتىرارلىق سابىر­­جان ءابىلدا ۇلىنا 100 000 تەڭگەنىڭ سەرتيفيكاتى بەرىلدى. ال ىرىكتەۋ بايقاۋىندا شەبەر قيمىل­دارىمەن كوزگە تۇسكەن سارى­اعاشتىق مۇحتار ابدىمالىك «كورەرمەن كوزايىمى», ءبايدى­بەكتىك ەرنازار سىرگەباي «جەڭىسكە دەگەن جىگەرى ءۇشىن» اتالىمدارى بويىنشا ماراپاتتالدى. 

«تۇركىستان بارىسى» اتانعان بەيبارىس ابدىعالي مەن ءىى ورىندى يەلەنگەن دارحان جامالحان ەندى رەسپۋبليكالىق تۋرنيردە وبلىس نامىسىن قورعايتىن بولادى.

تۇركىستان وبلىسى