Cالتاناتتى شاراعا وبلىس اكىمىنىڭ ورىنباسارى مالىك وتارباەۆ پەن قۇرمانبەك جانداربەكوۆتىڭ نەمەرە ءىنىسى ءابىلحايىر جانداربەكوۆ, تەاتر ارداگەرلەرى مەن تەاتر تۇلەكتەرى, اۋدان تۇرعىندارى مەن بارلىق اۋداندارداعى مادەنيەت بولىمدەرىنىڭ باسشىلارى قاتىستى. «تەاتردىڭ تاريحىندا قۇرمانبەك جانداربەكوۆتىڭ ەسىمى التىن ارىپتەرمەن جازىلادى. العاشقى كۇندەردەن باستاپ-اق باعىت-باعدار بەرىپ, اكتەرلەرگە ۇستاز بولعان, ۇلى اكتەردىڭ كوركەم مۇراسى بىزدەرگە رۋحاني ازىق. تالاي تالانتتاردىڭ توماعاسىن سىپىرىپ, ونەر ساحناسىنا, تەاتر الەمىنە قانات قاقتىرعان كيەلى وردانىڭ ەل رۋحانياتىنا ءسىڭىرىپ جاتقان ۇلەسى وراسان. 50 جىلدا قارا شاڭىراقتا ءتۇرلى قويىلىمدار قويىلىپ, ەلگە تانىمال ساحنا ساڭلاقتارى وسى وردادان تۇلەپ ۇشتى. جەتىساي تەاترىنىڭ تاريحى مەن مادەني مۇراسى اۋداننىڭ, وبلىستىڭ عانا ەمەس, بۇكىل قازاقستاننىڭ ونەر شەجىرەسىنە اينالىپ كەلەدى», – دەدى وبلىس اكىمىنىڭ ورىنباسارى. سونداي-اق سالتاناتتى شارادا بىرقاتار تەاتر ارتىستەرى العىس حاتتارمەن ماراپاتتالدى. ءبيۋستتىڭ سالتاناتتى اشىلۋىنان سوڭ قوناقتارعا وبلىس جانە اۋدان ونەرپازدارى مەرەكەلىك كونتسەرتتىك باعدارلامالارىن ۇسىندى.
ايتا كەتەيىك, ءوز تاريحىندا كوپتەگەن حالىقارالىق, بۇكىلوداقتىق تەاترلار فەستيۆالىندە جاقسى ناتيجەلەرگە قول جەتكىزگەن تەاتردىڭ ساحناسىندا 200-گە تارتا قويىلىم كورەرمەنگە جول تارتقان. تەاتر الداعى ۋاقىتتاردا شەت ەلدەرگە شىعىپ, حالىقارالىق فەستيۆالدەرگە قاتىساتىن بولادى.
تۇركىستان وبلىسى