قاراعاندى وبلىسىندا Nur Otan پارتياسىنىڭ «ارداگەرلەردى ارداقتايىق» جوباسى اياسىندا «قامقورلىق ايلىعى» باستالدى. اتالعان شارا بارىسىندا بەلسەندى جاستار ۇلى وتان سوعىسىنىڭ ارداگەرلەرىن, تىل ەڭبەككەرلەرى مەن جالعىز باستى زەينەتكەرلەردى قامقورلىعىنا الادى, دەپ حابارلادى وبلىس اكىمىنىڭ ءباسپاسوز قىزمەتى.
اكتسيا ارداگەرلەرگە قامقورلىق كورسەتۋ جانە جاستارعا پاتريوتتىق تاربيە بەرۋ ماقساتىن كوزدەيدى. «جاس وتان» جاستار قاناتىنىڭ مۇشەلەرى ەگدە ادامداردىڭ ۇيلەرىنە بارىپ, ءۇي مەن اۋلا اۋماعىن جيناۋعا, تۇرمىستىق جانە الەۋمەتتىك ماسەلەلەردى شەشۋگە قول ۇشىن بەرەدى.
ايلىقتىڭ العاشقى كۇنىنىڭ وزىندە-اق جاسوتاندىقتار 36 مايدانگەر مەن تىل ەڭبەككەرىنىڭ ۇيىنە بارىپ, قاريالارعا قاجەتتى كومەك كورسەتتى.
قازىرگى تاڭدا قاراعاندى وبلىسىندا ۇلى وتان سوعىسىنىڭ 75 ارداگەرى, ۇوس 21 مۇگەدەگى, 10 مىڭنان استام تىل ەڭبەككەرى تۇرادى.