لوندوندا فەدەراتسيا كۋبوگىنىڭ ءىى الەمدىك توبىنداعى پلەي-وفف ماتچى اياقتالدى. وكىنىشكە قاراي, قازاقستان كومانداسى ۇلىبريتانيادان جەڭىلىپ قالدى. بۇل تۋرالى ۇلتتىق وليمپيادا كوميتەتىنىڭ ءباسپاسوز قىزمەتى حابارلادى.
ءبىرىنشى جارىس كۇنىنەن سوڭ تارازى باسىن تەڭەسكەن بولاتىن. الايدا, ەكىنشى كۇنى ءبىزدىڭ تەننيسشى قىزدارىمىز قارسىلاستارىنا ەسە جىبەرىپ, جالپى ەسەپتە جەڭىلىسكە ۇشىرادى.
يۋليا پۋتينتسەۆا يوحاننا كونتەگە 6:4, 2:6, 5:7 ەسەبىمەن جول بەرسە, زارينا دياس كەتي بولتەردەن ءۇش سەت قورىتىندىسى بويىنشا ۇتىلدى.
وسىلايشا, 1:3 ەسەبىمەن جەڭىكە جەتكەن ۇلىبريتانيا كومانداسى الەمدىك توپقا جولداما الدى.