ۇەۇ وكىلدەرى بەلسەندىلىككە ۇندەدى

وبلىستىق جانە 16 اۋداندىق, قالالىق اقپاراتتىق-رەسۋرستىق ورتالىق بار. اكىمدىكتەر جانىن­داعى كەڭەستەر مەن كوميسسيا­لار­عا ۇەۇ وكىلدەرى ەنگىزىلگەن. ياع­ني, ۇكىمەتتىك ەمەس ۇيىمدار­دىڭ قوعامدا الار وزىندىك ورنى بار, اتقارار ءرولى دە ەلەۋلى. كۇنى كەشە ۇكىمەتتىك ەمەس ۇيىمداردىڭ جەتەكشىلەرى باس قوسىپ, ەلىمىزدەگى باستى ساياسي وقيعا – سايلاۋعا قاتىستى ءوز وي-پىكىرلەرىن ورتاعا سالدى. 

«تۇركىستان وبلىسىنىڭ ازا­مات­تىق اليانسى» زاڭدى تۇل­عا­­لاردىڭ قاۋىمداستىق نىسا­نىن­داعى بىرلەستىگىنىڭ توراعا­سى شارىپبەك جامالبەكتىڭ ءتور­اعا­لىعىمەن وتكەن جيىندا «جايىلما» قوعامدىق بىرلەس­تىگىنىڭ توراعاسى جانبولات ءسۇيىن­باەۆ, تۇركىستان قالالىق «سەمەي يادرولىق سىناق پوليگونى» قو­عام­دىق بىرلەستىگى­نىڭ توراعاسى احمەت وسپانوۆ, «ەكو اتامەكەن» قوعامدىق ءبىر­لەستىگىنىڭ ءتورايىمى گۇلنار نيازوۆا ءوز پىكىرلەرىن ءبىلدىر­دى. مىسالى, «تۇركىستان وبلىسى­نىڭ ىسكەر ايەلدەر اسسوتسياتسيا­سى» قوعامدىق بىرلەستىگىنىڭ ءتورايى­مى ينارا نامازباەۆانىڭ ايتۋىنشا, بىرلەستىك ۇجىمدىق ۇنقوسۋىن ارىپتەستەرىنە جولدا­عان. «الەم جۇرتشىلىعى ەلىمىز­دەگى تاتۋلىقتىڭ قۋاتى مەن قۇن­دى­لىعىنا كوز جەتكىزىپ وتىر. قازىر­گى ۋاقىتتا قازاقستان ءوزىنىڭ ەكو­نو­ميكالىق دامۋىنىڭ جاڭا ۇردىستەرىمەن دە سىرتقا تانىلىپ, ساياسي تۇراقتىلىق­تىڭ ءناتي­جەسىندە دامىپ كەلە­دى. ەلدىگىمىزدى كورسە­تەتىن, تۇتاس­تىعىمىزدى دالەل­­دەيتىن شاق جەتتى. سول ءۇشىن ساي­لاۋعا ءبىر كىسىدەي جۇمىلىپ اتسالى­سامىز. ەلىمىزدىڭ وزگە ءوڭىر­لەرىندەگى ىسكەر ايەلدەر دە بۇل باستامانى قولدايدى دەپ سەنەمىز», دەيدى ي.نامازباەۆا.

 ال جيىندى جۇرگىزىپ وتىر­عان شارىپبەك جامالبەك ءاربىر ادام ءوزىنىڭ ازاماتتىق بەلسەندى­لىگىن تانىتىپ, ەلدىك ماسەلە قوزعال­عان ساياسي وقيعالاردان شەت قال­ماۋى كەرەكتىگىن ايتتى. «اتا-بابا­مىز كوكسەگەن تاۋەلسىزدىك تۋى كوگىمىزدە جەلبىرەپ تۇر. ەن­دىگى ماقسات ءارى باستى مىندەت – سول تاۋەل­سىزدىكتى كوزدىڭ قارا­شى­عىنداي ساقتاۋ جانە ونى ودان ءارى نىعايتۋ. ەلباسىنىڭ باستاۋىمەن قازاقستان بارلىق سالا­دا جەتىستىككە جەتتى. بىرلىگىمىز­دى نى­عايتا ەل مۇددەسى جولىندا تىن­باي ەڭبەك ەتۋىمىز كەرەك. پرە­زي­دەنتتىڭ ءوزى ايتقانداي, قوعام­دىق-ساياسي كەلىسىمدى قامتا­ماسىز ەتۋ ءۇشىن ايقىندىق قاجەت. سول ءۇشىن ۇكىمەتتىك ەمەس ۇيىمدار سايلاۋعا ءبىر كىسىدەي جۇمىلىپ, اتسالىسايىق», دەدى شارىپبەك جامالبەك. 

ءوز كەزەگىندە ءسوز العان ۇكى­مەت­­تىك ەمەس ۇيىم باسشىلارى پرەزيدەنت قاسىم-جومارت توقاەۆ­تىڭ شەشىمىن قولداي­تىن­دارىن, سايلاۋعا بەلسەندى تۇردە قاتى­ساتىندارىن جەتكىزدى.