جاڭا جىلجىمالى سوستاۆ ەۆرو-5 ەكولوگيالىق ستاندارتىنا ساي جانە كونديتسيونەر, بەينەباقىلاۋ كامەراسى سىندى قۇرالدارمەن جابدىقتالعان. قالادا جىل باسىنان بەرى قاراي №65, №60, №14 ەڭ تىعىز باعىتتار بويىنشا 125 جاڭا اۆتوبۋس جولاۋشى تاسىمالداۋدا.
ايتا كەتەرلىگى, شاھاردا اۆتوبۋس پاركىنىڭ 80%-عا جاڭارۋىنا قولما-قول اقىسىز تولەم جاسايتىن «وڭاي» جۇيەسىن ەنگىزۋدىڭ ىقپالى تيگەن. ەگەر بۇرىندارى اۆتوپاركتەر بيۋدجەت قارجىسى ەسەبىنەن جاڭارسا, ال قازىر تاسىمالداۋشىلار ءوز قارجىلارىن ينۆەستيتسيالاۋعا مۇكىندىك بەرەتىن اشىق نارىقتىق مەحانيزمدى ۇتىمدى قولدانۋدا.
جالپى, الماتىدا كولىك رەفورماسى اياسىندا ەكى جىل ىشىندە عانا قالانىڭ اۆتوبۋس پاركى 80%-دان استامعا جاڭاردى, ەلىمىزدەگى العاشقى BRT جەلىسى جۇمىس ىستەي باستادى, كارشەرينگ قىزمەتى ەنگىزىلدى, مەترونىڭ ەكى ستانساسىنىڭ قۇرىلىسى جالعاسۋدا جانە LRT قولعا الىندى.
«15 ساۋىردەن باستاپ قالادا 120-دان استام كوشەنى ورتاشا جوندەۋ باستالادى, قالانىڭ 14 ىقشام اۋدانىنداعى 456 كوشەگە جاڭا جولدار سالىنادى دەپ كۇتىلۋدە. ەڭ باستىسى, جوندەۋ جۇمىستارى قوعامدىق كولىكتىڭ ءجۇرۋ كەستەسى مەن باعىت قوزعالىسىنا كەرى اسەرىن تيگىزبەيدى. كەپتەلىستى بولدىرماۋ ءۇشىن جولدى تولىق جابۋ تەك ءتۇن مەزگىلىندە عانا جۇرگىزىلەدى», – دەيدى موبيلدىلىك باسقارماسىنىڭ ماماندارى.
الماتى