- ءساۋىردىڭ 9-ى كۇنى ساعات 11:45 شاماسىندا شەكاراشىلار باتىس قازاقستان وبلىستىق پوليتسيا دەپارتامەنتى تابيعات قورعاۋ پوليتسياسى قىزمەتكەرلەرىمەن بىرگە 1970 جىلى تۋعان شەتەلدىك ازاماتتى تەكسەرگەن كەزدە, قول سومكەسىنەن مەملەكەت قورعاۋىنا الىنعان اقبوكەننىڭ 148 دانا ءمۇيىزى تابىلدى» دەپ حابارلايدى بقو پوليتسيا دەپارتامەنتى ءباسپاسوز قىزمەتى. وقيعا وڭىردە جۇرگىزىلىپ جاتقان «سايگاك» جەدەل-ىزدەستىرۋ شاراسى اياسىندا انىقتالعان.
اتالعان وقيعا بويىنشا بايتەرەك اۋداندىق پوليتسياسى پريۋرال ءبولىمىنىڭ قىزمەتكەرلەرى قر قىلمىستىق كودەكسىنىڭ 339 بابى بويىنشا (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن تۇرلەرiن, ولاردىڭ بولىكتەرىن نەمەسە دەريۆاتتارىن, سونداي-اق پايدالانۋعا تىيىم سالىنعان وسىمدىكتەردى نەمەسە جانۋارلاردى, ولاردىڭ بولىكتەرىن نەمەسە دەريۆاتتارىن زاڭسىز الۋ, يەمدەنۋ, ساقتاۋ, وتكىزۋ, اكەلۋ, اكەتۋ, سالىپ جىبەرۋ, تاسىمالداۋ نەمەسە جويۋ, سول سياقتى ولاردىڭ مەكەندەيتiن جەرلەرىن جويۋ) ءىس قوزعادى.
ايتا كەتەيىك, باتىس قازاقستان وبلىسى اۋماعىندا ءساۋىردىڭ 1-30 ارالىعىندا اقبوكەندى زاڭسىز اۋلاۋشىلاردىڭ جولىن كەسۋ, كيىك ءمۇيىزى ساۋداسىنا جول بەرمەۋ ماقساتىندا «سايگاك» جەدەل-الدىن الۋ شارالارى ءوتىپ جاتىر.
مامانداردىڭ ايتۋىنشا, قازىر قازاقستانداعى كيىك پوپۋلياتسياسىنىڭ ەڭ كوپ شوعىرلانعان جەرى – باتىس قازاقستان وبلىسى. 2018 جىلعى اۋە ساناعىنىڭ ەسەبىندە بقو دالاسىندا 135 مىڭ اقبوكەن تىركەلگەن.