«بۇل رەيتينگتى تۋرنير جاقىن ءارى الىس شەتەلدەردەن كەلگەن قاتىسۋشىلارعا جاقسى تانىس. كەشە ءبىز بالالار اراسىندا 640 ادام جيناپ رەكورد ورناتتىق, ال, بۇگىن ەرەسەكتەر اراسىندا 250-دەن استام سپورتشى جينادىق. وسىنداي كورسەتكىش ءبىزدى وتە قۋانتادى. ءبىزدىڭ قازاقستان قۇراماسى قازىر ابۋ-دابي قالاسىندا برازيليالىق دجيۋ-دجيتسۋدان بولاتىن الەم چەمپيوناتىنا دايىندىق ۇستىندە. جارىس ءساۋىردىڭ 21-26 ارالىعىندا وتەدى, ال ارتىنشا ولار مامىردىڭ 10-14 كۇندەرى اۋەسقويلار اراسىنداعى گرەپلينگتەن (ايگا) وتەتىن تۋرنيرگە جاپونياعا اتتانادى», - دەيدى قازاقستاندىق برازيليالىق دجيۋ-دجيتسۋ جانە گرەپپلينگ فەدەراتسياسىنىڭ حالىقارالىق قاتىناستار ۆيتسە-پرەزيدەنتى اقمارال قاناتباەۆا.
ونىڭ ايتۋىنشا, قازىرگى تاڭدا بۇل جارىستىڭ قاتىسۋشىلارى الداعى ۋاقىتتا وتەتىن حالىقارالىق جارىستارعا دايىندالىپ جاتىر.
ەكى كۇنگە جالعاسقان ايتۋلى تۋرنير كەز كەلگەن قاتىسۋشىلار اراسىندا ABB Arena-دا IBJJF حالىقارالىق فەدەراتسيا ەرەجەسىنە سايكەس وتكىزىلدى. ونىڭ باستى ماقساتى ەلىمىزدە دجيۋ-دجيتسۋدى دامىتىپ, ەلگە تانىتۋ, سپورت پەن سالاۋاتتى ءومىر سالتىن ناسيحاتتاۋ.
تارتىستى باسەكەدە تابىستى ونەر كورسەتكەن جەڭىمپازدار مەن جۇلدەگەرلەرگە مەدالدار مەن ديپلومدار تابىستالدى. جارىستىڭ تولىق ناتيجەلەرىن smoothcomp.com سايتىنان كورۋگە بولادى.
الماتى