شاعىن فۋتبولدان «كايرات» پەن «جەتىسۋ» اراسىنداعى ماتچ اياقتالعاننان سوڭ قازاقستان فۋتبول فەدەراتسياسى تاعايىنداعان «ەلىمىزدىڭ ەڭ ۇزدىك قاقپاشىسى» جۇلدەسى الماتىلىق كلۋبتىڭ مۇشەسى يگيتاعا تابىس ەتىلدى.
1986 جىلى برازيليانىڭ ريو-دە-جانەيرو قالاسىندا تۋىپ-وسكەن يگيتا ءوز ەلىندە بىرنەشە جىل ونەر كورسەتىپ, 2009 جىلى قازاقستانعا قونىس اۋداردى. العاشقى ماۋسىمدى قاراعاندىنىڭ «تۇلپارىنىڭ» نامىسىن قورعادى. 2011 جىلى پورتۋگاليانىڭ «بەلەنەنسيشىنە» اۋىستى. كوپ ۇزاماي ءبىزدىڭ ەلگە قايتا كەلىپ, «قايراتتىڭ» جەيدەسىن كيدى. الماتىلىق كوماندامەن بىرگە كوپتەگەن حالىقارالىق ارەنادا تولاعاي تابىستارعا قول جەتكىزدى. ەل چەمپيوناتىندا دا سان مارتە ۇزدىك شىقتى.
2013 جىلى ول قازاقستاننىڭ ازاماتتىعىن الىپ, ۇلتتىق كوماندامىزدىڭ ساپىندا ەۋروپا چەمپيوناتىندا قولا مەدالدى يەلەندى. باسقا دا جاۋاپتى جارىستاردا ورەلى ونەرىمەن كوزگە ءتۇسىپ, سان ميلليون جانكۇيەردىڭ جۇرەگىن جاۋلادى. «Umbro futsal awards» ۇيىمىنىڭ شەشىمى بويىنشا ءۇش مارتە الەمنىڭ ەڭ ۇزدىك قاقپاشىسى بولىپ تانىلدى.
عالىم سۇلەيمەن,
«Egemen Qazaqstan»