تۇركىستان وبلىسى ورداباسى اۋدانىنداعى «بورتە ميلكا» كاسىپورنىنىڭ جۇمىسشىلارى ەلوردانىڭ «نۇر-سۇلتان» اتالۋىن قولدايدى. بۇل تۋرالى كاسىپورىن باسشىسى ءارى وبلىستىق ءماسليحات دەپۋتاتى ەرالى ءابىش مالىمدەدى.
سەرىكتەستىك ديرەكتورىنىڭ ايتۋىنشا, شيرەك عاسىردان استام ۋاقىت مەملەكەتتى باسقارعان ءارى قازاقستاندى بۇكىل الەمگە تانىتقان ەلباسىنىڭ سىڭىرگەن ەڭبەگى وراسان زور. سوندىقتان نۇرسۇلتان نازارباەۆتىڭ ەسىمىن ەلورداعا بەرۋ ونىڭ ەڭبەگىن باعالاۋ دەپ ساناۋعا بولادى.
«قازاقستاننىڭ تۇڭعىش پرەزيدەنتى ەلباسى نۇرسۇلتان نازارباەۆتىڭ ەل باسقارۋداعى وكىلەتتىلىگىن توقتاتۋ جونىندە قابىلداعان شەشىمى مەن ءۇشىن كۇتپەگەن جاعداي بولدى. ارينە, بۇل ومىردە ەشنارسە دە ماڭگىلىك ەمەس. الدىڭعى تولقىندى كەيىنگى تولقىن ۇرپاق الماستىراتىنى تابيعي زاڭدىلىق. سول ءۇشىن پرەزيدەنتتىڭ بيلىك تىزگىنىن ءوز قالاۋىمەن تاپسىرۋى ەلباسىنىڭ كورەگەندىلىگىنەن تۋعان شەشىم دەپ قابىلدادىق.
مەملەكەت باسشىسىنىڭ ەل دامۋىنا قوسقان ۇلەسى ۇشان-تەڭىز. قانداي جاقسىلىق بولسا دا ونىڭ باستاۋىندا ەلباسى تۇر. ىشكى تۇراقتىلىقتى قامتاماسىز ەتۋدەگى ەڭبەگىنەن بولەك, سىرتقى ساياساتتا دا پرەزيدەنتتىڭ سالماعى اۋىر. حالىقارالىق احۋالدار ەلباسىنىڭ بىتىمگەرلىگىمەن شەشىلگەنى ايان. وعان سيرياداعى, ۋكرايناداعى جاعدايلاردى مىسالعا كەلتىرسەك بولادى», - دەيدى كاسىپورىن باسشىسى نۇرالى ءابىش.