اقش مەملەكەتتىك دەپارتامەنتى وكىلىنىڭ ورىنباسارى روبەرت پاللادينو ەلباسى نۇرسۇلتان نازارباەۆتىڭ پرەزيدەنت وكىلەتىن توقتاتۋىنا وراي مالىمدەمە جاسادى.
مالىمدەمەدە اقش تاراپى نازارباەۆتىڭ ەكى ەل اراسىندا تىعىز قارىم-قاتىناس ورناتۋعا قوسقان ۇلەسىن جوعارى باعالايتىنى ايتىلعان. ۆاشينگتون تاۋەلسىز قازاقستاننىڭ نەگىزىن قالاۋشى رەتىندە نازارباەۆتىڭ جاساعان جۇمىستارىنا قۇرمەت ءبىلدىردى.
ۆاشينگتون مەملەكەتتىك دەپارتامەنتى نازارباەۆتىڭ يادرولىق قارۋدى جويۋ ءۇشىن جاساعان ەلەۋلى ەڭبەگىنە العىس ايتقان. مالىمدەمەدە اقش-تىڭ نازارباەۆتىڭ بيلىكتى بەيبىت جولمەن تاپسىرعان ۇلگىلى ءىسىن قۇرمەتتەيتىنى جازىلعان.
پاللادينو ءوز مالىمدەمەسىندە قازاقستاننىڭ جاڭا پرەزيدەنتى قاسىم-جومارت توقاەۆتى قۇتتىقتاپ, ەكى ەل اراسىنداعى قارىم-قاتىناستى جالعاستىرا تۇسەدى دەپ ءۇمىت بىلدىرەدى.