قاراعاندى وبلىسىنىڭ مەتاللۋرگتەرى ەلباسى نۇرسۇلتان نازارباەۆتىڭ ەرەن ەڭبەگىنە العىستارىن ايتتى. بۇل تۋرالى قازاقپارات حاا حابارلادى.
«قاراعاندى وبلىسىنىڭ مەتاللۋرگتەرى ءسىزدىڭ پرەزيدەنتتىك وكىلەتتىگىڭىزدى توقتاتۋ تۋرالى شەشىمىڭىزدى ۇلكەن مۇڭمەن قابىلدادىق. بىزگە وسى شەشىمىڭىز وڭاي سوقپادى. سەبەبى ءبىزدىڭ اتاقتى مەتاللۋرگيالىق كومبيناتتىڭ بارشا تاريحى, سونداي-اق تەمىرتاۋ قالاسىنىڭ تاريحى تىكەلەي سىزبەن بايلانىستى. ءسىز سەكىلدى مەتاللۋرگتەردى باسقا ەشكىم تۇسىنە المايدى. الەمدىك دەڭگەيدەگى كوشباسشى جولىڭىزدى ءبىزدىڭ كومبيناتتان باستاعانىڭىز ءبىزدىڭ ەسىمىزدە. وسىندا ءسىز دومنا پەشىنىڭ الدىندا تۇرىپ, ەڭبەك ەتتىڭىز. وسى جەردە ءسىزدىڭ جاستىق شاعىڭىز ءوتتى», - دەلىنگەن مەتاللۋرگتەر حاتىندا. وسى ورايدا قاراعاندىلىقتار ەلباسى الەمدىك دەڭگەيدەگى ساياسات قايراتكەرى اتانعان كەزدە دە تەمىرتاۋدى قولداۋعا ۋاقىت پەن مۇمكىندىك تاپقانىن اتاپ ءوتتى. «وتكەن جىلى دا بىزگە قولداۋ جاسادىڭىز. ءبىزدىڭ وتباسىمىز ءۇشىن وتە ماڭىزدى ماسەلەگە شەشىم قابىلدادىڭىز. ءسىزدىڭ تاپسىرماڭىز بويىنشا وسى جەردەگى جەو جاڭعىرتىلىپ جاتىر, بىرقاتار الەۋمەتتىك نىساننىڭ قۇرىلىسى جۇرگىزىلۋدە. وسى ورايدا شەكسىز العىسىمىزدى ايتامىز», - دەيدى مەتاللۋرگتەر ۇجىمى.
سونىمەن قاتار ولار ەلباسىنىڭ پرەزيدەنتتىك وكىلەتتىگىن توقتاتۋ شەشىمى توسىن جاعداي بولعانىن ايتۋدا. ء«بىزدىڭ كومبيناتقا, قالامىزعا, ەلىمىزگە, سونداي-اق بارشا الەم ءۇشىن جاساعان ەڭبەگىڭىز ءۇشىن سىزگە ريزاشىلىعىمىزدى بىلدىرەمىز. مەتاللۋرگتەر ارقاشان دا سىزبەن بىرگە ەكەنىن ءبىلىپ ءجۇرىڭىز! ءبىز بارشامىز ءبىر ادامداي ەلورداعا «نۇر-سۇلتان» اتاۋىن بەرۋ باستاماسىن قولدادىق», - دەپ جازدى قاراعاندى وبلىسىنىڭ مەتاللۋرگتەرى.