وبلىس ورتالىعىنداعى بۇقار جىراۋ اتىنداعى وبلىستىق ادەبيەت جانە ونەر مۋزەيىندە اشىلعان بۇل زال تالانتتى جاستاردى قولدايدى.
ماقسات – وڭىردەگى ادەبيەت جانە ونەر سالاسىندا تانىلىپ جۇرگەن جاستاردىڭ شىعارماشىلىعىمەن تانىستىرۋ.
العاشقى اشىلىمدا مۋزەي قورىنا جاستار 100-دەن استام زاتتارىن وتكىزىلگەن
ادەبي رۋحاني زالدىڭ اشىلۋىنا ەلىمىزدەگى «اسىل ارنا» تەلەارناسىنىڭ باسشىسى,ايتىسكەر اقىن مۇحامەدجان تازابەكوۆ قاتىستى.
جەرگىلىكتى جاستاردىڭ قاتارىندا رەسپۋبليكالىق, وبلىستىق اقىندار ايتىسىنىڭ جۇلدەگەرلەرى قۋانىشبەك شارمانوۆ, بەيبىت بوجەننىڭ, رەسپۋبليكالىق, وبلىستىق جىر ءمۇشايرالارىنىڭ جەڭىمپازى, اقىن جارقىنبەك امانتاي ۇلى, «التىن دومبىرا» يەگەرى, حالىقارالىق, رەسپۋبليكالىق اقىندار ايتىستارىنىڭ جەڭىمپازى اسپانبەك شۇعاتاەۆ, اقىن, جۋرناليست ايبەك ورالحان بار.
سونىمەن بىرگە, «جاستار زالىنان» ساتيرا, ءازىل-سىقاق جازۋشى الپىسباي حونج, «جاس قانات-2017» رەسپۋبليكالىق بايقاۋىنىڭ جەڭىمپازى, ەسترادا ءانشىسى ماديار باحتياروۆ, رەسپۋبليكالىق ءمۇشايرالاردىڭ جەڭىمپازى ەلامان حاسەن, اكتەر بولات قوبىلاندى جانە اقىن يليا ارگەنتۋمعا دا ورىن بەرىلگەن.
مۋزەي باسشىسى جەڭىس مولدابەكوۆتىڭ ايۋتىنشا, بۇل مۋزەيدىڭ بيىلعى «جاستار جىلىنا» تارتۋى, بۇل جوبا الداعى ۋاقىتتا دا ءوز جالعاسىن تابادى.
ياعني, «جاستار زالىنداعى» شىعارماشىل جاستاردىڭ ەكسپوزيتسيالارى 1 جىلدىڭ ىشىندە 3 رەت اۋىسادى. جىل بويى 30-40-قا جۋىق ادەبيەت,ونەر سالاسىندا تانىلىپ جۇرگەن باسقا دا جاستاردىڭ جەكە زاتتارى, ءومىربايانى, شىعارماشىلىق جەتىستىكتەرى كورمەدەن ورىن الادى.
بۇل ءۇشىن مۋزەيدە ارنايى كەڭەس قۇرىلعان. ەكسپوزيتسياسى قويىلاتىن زاتتار كەڭەس مۇشەلەرىنىڭ اقىلداسۋىمەن تاڭدالادى. العاشقى ەكسپوزيتسياعا جاستاردىڭ پايدالانعان زاتتارى, كىتاپتارىنىڭ ءبىر نۇسقاسى, كونە قويىن داپتەرلەرى, قولجازبالارى, ديپلومدارى, ەستەلىك سۋرەتتەرى ۇسىنىلدى.
فاريدا بىقاي,
«ەگەمەن قازاقستان»
پاۆلودار