قازاقستان فۋتزالدان ەۋرو-2022 ءتۋرنيرىن وتكىزۋگە قىزىعۋشىلىق تانىتىپ وتىر. بۇدان بولەك تاعى التى مەملەكەت ءدۇبىرلى دودانى وزدەرىندە وتكىزۋگە ىنتالى.
فۋتزالدان ەۋرو-2022 ءتۋرنيرىن وتكىزۋ بويىنشا وتىنىمدەرىن تاپسىرۋ 2018 جىلدىڭ 12 قازانىندا باستالدى. ول 21 قاڭتارعا دەيىن جالعاستى.
وعان جەتى ۇلتتىق بىرلەستىك قىزىعۋشىلىق تانىتىپ وتىر. ولاردىڭ قاتارىندا بوسنيا, قازاقستان, ليتۆا, گوللانديا, پورتۋگاليا, فرانتسيا جانە شۆەتسيا بار.
ءتۋرنيردى ۇيىمداستىرۋعا ىقىلاس تانىتۋ ەشقانداي مىندەت جۇكتەمەيدى. ءوتىنىش قابىلداۋ مەرزىمى 2019 جىلدىڭ 30 مامىرىندا اياقتالادى. ال 2019 جىلى 24 قىركۇيەكتە ۋەفا اتقارۋ كوميتەتى ەۋرو-2022 ءتۋرنيرىن وتكىزەتىن ەلدى تاڭدايدى.
وسى ۋاقىتقا دەيىن ەۋرو فۋتزالى ەكى جىل سايىن وتكىزىلدى. العاشىندا فينالدىق كەزەڭگە سەگىز كوماندا قاتىستى. 2010 جىلى قاتىسۋشىلار سانى 12-گە دەيىن ءوستى.
ال 2022 جىلدان باستاپ فۋتزالدان ەۋروپا بىرىنشىلىگىنىڭ فينالدىق كەزەڭى ءتورت جىلدا ءبىر رەت بولادى, وعان 16 كوماندا قاتىسادى.