قارماقشىلىقتار سويا ەگۋدى قولعا الادى. بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا قارماقشى اۋدانىنىڭ اكىمى سۇلتان ماقاشوۆ حابارلايدى.
قارماقشى اۋدانىنىڭ حالقى كۇرىش داقىلىنان باسقا دا مايلى داقىلداردى, ونىڭ ىشىندە سويانى وسىرۋگە دەن قويىپ وتىر.
"بۇل سۋدى از تالاپ ەتەتىن جانە نارىقتا سۇرانىسقا يە بولىپ وتىرعان داقىلداردىڭ ءبىرى. بيىل ءبىز «تۇرماعامبەت» جشس-ءى نەگىزىندە وسى داقىلدى ەگۋدى باستايمىز", - دەدى س.ماقاشوۆ.
قارماقشى اۋدانى - اۋىلشارۋاشىلىعىنا نەگىزدەلگەن ايماق. جاعدايعا وراي, وتكەن جىلدارمەن سالىستىرعاندا سۋدى كوپ قاجەت ەتەتىن كۇرىش كولەمى 359 گەكتارعا ازايتىلدى. ال, جازدىق بيداي 8 گەكتارعا, باقشا 4 گەكتارعا, كوكونىس 100 گەكتارعا, ماقسارى 362 گەكتارعا كوبەيدى. كۇرىشتىڭ «توروم حوشەمي» يراندىق سورتىن «اقتوبە ي ك» جشس 300 گەكتارعا جەتكىزدى.
اۋىلشارۋاشىلىعى ونىمدەرىن وڭدەۋ ماقساتىندا «جاڭاجول» سەرىكتەستىگىنىڭ قۇنى 65,0 ملن تەڭگە بولاتىن قۋاتتىلىعى ساعاتىنا 5 توننا كۇرىش اقتايتىن وڭدەۋ زاۋىتى ىسكە قوسىلدى. وعان قوسىمشا جوبا قۇنى 40 ملن تەڭگە بولاتىن استىق ساقتايتىن قويما قۇرىلىسى سالىنىپ, پايدالانۋعا بەرىلدى.
باقتيار تايجان,
«Egemen Qazaqstan»
قىزىلوردا وبلىسى