اتىراۋ وبلىسىنىڭ اكىمى قىزىلقوعا اۋدانىنا جۇمىس ساپارى بارىسىندا جاستارمەن كەزدەستى. بۇل تۋرالى اتىراۋ وبلىسىنىڭ وڭىرلىك كوممۋنيكاتسيالار قىزمەتى حابارلادى.
الدىمەن اتىراۋ وبلىسىنىڭ اكىمى ميالى اۋىلىنداعى «جاستار رەسۋرستىق ورتالىعىنىڭ» عيماراتىنا باردى. ايتا كەتۋ كەرەك, بۇل اۋداندىق جاستار ورتالىقتارىنىڭ اراسىندا بالانسىنا جەكە عيمارات العان العاشقى ورتالىق. مۇندا 14-29 جاس ارالىعىنداعى جاستار بوس ۋاقىتتارىن ءتيىمدى پايدالانىپ, جاڭا جوبالاردى جوسپارلاي الادى, ء ار ءتۇرلى ماسەلەلەر بويىنشا كەڭەس الۋعا دا مۇمكىندىك قاراستىرىلعان.
وبلىس اكىمى جاستارمەن كەزدەسىپ, يدەيالارىن تىڭدادى, ولاردى قىزىقتىراتىن تاقىرىپتار مەن جوبالار تۋرالى ءبىلدى. اۋدان اكىمىنە جاستارعا كاسىپكەرلىك نەگىزدەرىن بەلسەندى تۇردە تۇسىندىرۋ كەرەكتىگىن ايتىپ, تاپسىرما بەردى.
- مەملەكەت باسشىسى ايتقانداي, شاعىن جانە ورتا بيزنەس - ءبىزدىڭ ەكونوميكامىزدىڭ درايۆەرى. ستۋدەنتتەردى بيزنەس سۋبەكتىلەرىندە تاجىريبەدەن وتكىزۋ جايىن ويلاستىرۋ كەرەك. اۋداندا 1 465 كاسىپكەر بار, ولار ستۋدەنتتەرگە بيزنەس نەگىزدەرىن وقىتا الادى. مەملەكەت ءوز كەزەگىندە بۇل تاجىريبەنىڭ اقىسىن تولەي الادى, - دەدى وبلىس اكىمى.
سونىمەن قاتار ايماق باسشىسى ميالى اۋىلىنداعى قىزمەتتىك ۇيلەرگە دە باردى. 2018 جىلى سالىنعان بۇل ۇيلەردە مۇعالىمدەر, دارىگەرلەر مەن قۇقىق قورعاۋ ورگاندارىنىڭ قىزمەتكەرلەرى, مەملەكەتتىك قىزمەتشىلەر تۇرادى. قۇرىلىستىڭ جالپى اۋدانى - 1155 كم.
ايماق باسشىسى قىزىلقوعا اۋدانىنداعى تاريحي-ولكەتانۋ مۋزەيىنە باردى. مۋزەيدە اۋدان تاريحىنا قاتىستى توعىز مىڭنان استام جادىگەر بار. 2018 جىلى مۋزەيدە 3700 ادام بولعان.
جۇمىس ساپارى بارىسىندا نۇرلان نوعاەۆ «نۇر وتان» پارتياسىنىڭ قىزىلقوعا اۋداندىق فيليالىندا قوعامدىق قابىلداۋ وتكىزىپ, تۇرعىنداردىڭ ساۋالدارىنا جاۋاپ بەردى.
باقىتگۇل باباش,
«Egemen Qazaqstan»
اتىراۋ