م. سۇلتانعازيەۆ مەملەكەتتىك كىرىستەر كوميتەتىنىڭ قىزمەت ساپاسىن كوتەرۋ ناتيجەلەرىن باياندادى

قىزمەت ساپاسىن كوتەرۋ بويىنشا

مەملەكەتتىك قىزمەتتەردى اۆتوماتتاندىرۋدىڭ ماقساتى -  كليەنتتىڭ فيسكالدى ورگاننىڭ قىزمەتكەرىمەن بايلانىستى بارىنشا ازايتۋ بولىپ تابىلادى, ول ۋاقىت جانە قارجى شىعىندارىن ۇنەمدەۋگە اسەر ەتەدى. 

بۇگىنگى كۇننىڭ وزىندە 44 قىزمەتتىڭ 30-ى ەلەكتروندىق فورماتتا قول جەتىمدى, 26 قىزمەت بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى قىزمەتتەردى الۋدىڭ بالاماسى ۇسىنىلدى. ەلەكتروندى تۇردە كورسەتىلگەن قىزمەتتەردىڭ ۇلەسى 94% قۇرادى.

2018 جىلعى 10 ايدىڭ قورىتىندىسى بويىنشا مەملەكەتتىك كىرىستەر ورگاندارى بارلىعى – 18,4 ملن. قىزمەت كورسەتتى, ونىڭ ىشىندە ەلەكتروندىق نىساندا - 17,3 ملن. نەمەسە 94%, قاعاز جەتكىزگىشتە - 1,1 ملن. نەمەسە 6%.

مەملەكەتتىك قىزمەتتەردى كورسەتۋ پروتسەستەرىن وڭتايلاندىرۋ جانە اۆتوماتتاندىرۋ, ەكسپورتتىق-يمپورتتىق وپەراتسيالاردى جۇزەگە اسىرۋ كەزىندە راسىمدەردى وڭايلاتۋ جانە تەزدەتۋ شەڭبەرىندە استانا-1 جانە ە-تەرەزە اقپاراتتىق جۇيەلەرى ەنگىزىلۋدە.

ولاردى ەنگىزۋدىڭ وڭ اسەرىن ءبىز بۇگىنگى كۇنى بايقاپ وتىرمىز, ماسەلەن, دەكلاراتسيالاردىڭ 65%-ى ەكسپورتتىق-يمپورتتىق وپەراتسيالاردى ءوتۋ كەزىندە لاۋازىمدى تۇلعالاردىڭ قاتىسۋىنسىز اۆتوماتتى رەجيمدە شىعارىلادى, بۇل رەتتە كەدەندىك تازارتۋدىڭ ورتاشا ۋاقىتى 1 مينۋتتى قۇرايدى.

جۇرتشىلىقپەن كەرى بايلانىستى دامىتۋ بويىنشا

زاڭناماداعى جاڭالىقتارمەن قوعامدى كەڭىنەن جاريا ەتۋدىڭ كەرى بايلانىسىن دامىتۋ, سونداي-اق قارجى مينيسترلىگىندە شەشىمدەر قابىلداۋدا قوعامدىق ينستيتۋتتاردىڭ جانە ازاماتتاردىڭ قاتىسۋىن قامتاماسىز ەتۋ شەڭبەرىندە تۇرعىندار الدىندا ەسەپ بەرەتىن قوعامدىق كەڭەس قۇرىلدى, وندا سونداي-اق مكك قىزمەتىنە قاتىستى ماسەلەلەر تالقىلانۋدا.

اتالعان قوعامدىق كەڭەس شەڭبەرىندە 2018 جىلى جۇرتشىلىق پەن «اتامەكەن» ۇكپ وكىلدەرىنىڭ قاتىسۋىمەن 5 وتىرىس وتكىزىلدى.

كوميتەتپەن تىلشىلەر مەن بلوگەرلەردىڭ قاتىسۋىمەن ءتۇسىندىرۋ جۇمىستارىن جۇرگىزۋ جولىمەن جاپپاي سالىق مادەنيەتىن ناسيحاتتاۋ جانە قالىپتاستىرۋ ءۇشىن تۇرعىندارمەن بايلانىستىڭ بارلىق ارنالارىن پايدالانامىز.

باق-تا كوميتەتتىڭ قىزمەتىن تۇراقتى جاريا ەتۋدىڭ نەگىزىندە جىل سايىنعى باعالاۋدىڭ قورىتىندىسى بويىنشا اقپاراتتاردىڭ مازمۇندىلىعىمەن, قولجەتىمدىلىگىمەن قاناعاتتانۋدىڭ دەڭگەيى 5 باللدىڭ ىشىندە 4,7 باللعا باعالاندى.

كولەڭكەلى ەكونوميكاعا قارسى ءىس-قيمىل شارالارى تۋرالى

كولەڭكەلى ەكونوميكا ەلدىڭ ەكونوميكاسىن تەجەيتىن جانە سىبايلاس جەمقورلىق ورتاعا كومەك بەرەتىن ەلدىڭ ەكونوميكالىق قاۋىپسىزدىگىنە كۇردەلى قاۋىپ توندىرەتىنى بەلگىلى.

ناتيجەسىندە, جۇمىستى قارقىندى جۇرگىزۋ ماقساتىندا تاۋەكەلدەردى باسقارۋ جۇيەسىن جەتىلدىرۋگە جانە اج-دەن الىنعان مالىمەتتەردى پايدالانۋمەن قاشىقتىقتان مونيتورينگكە اكتسەنتتى اۋىستىرۋعا نازار اۋدارىلدى. 

بۇزۋشىلىقتاردىڭ جوعارى تاۋەكەلى بار ايماققا كوڭىل ءبولۋ جانە سالىق مىندەتتەمەلەرىن ەرىكتى تۇردە ورىنداۋ قاعيداتتارىن كەڭەيتۋ ناتيجەسىندە كامەرالدىق باقىلاۋ بويىنشا ءوندىرۋدىڭ ۇلەس سالماعى 88% دەيىن كوتەرىلۋىنە قول جەتكىزىلدى.

وسىلايشا, 2018 جىلعى 10 ايدىڭ قورىتىندىسى بويىنشا بيۋدجەتكە 162,1 مرلد. تەڭگە ءوندىرىلدى.

2017 جىلدىڭ ۇقساس كەزەڭىمەن سالىستىرعاندا تەكسەرۋلەر سانى 53%-عا قىسقاردى (2017 جىلى – 34 636, 2018 جىلى – 16 232).

كولەڭكەلى ەكونوميكانىڭ دەڭگەيىن قىسقارتۋدا جانە كاسىپكەرلەر ورتاسىندا ادال باسەلەستىككە ىنتالاندىرۋدا ازاماتتاردىڭ قوعامدىق باقىلاۋعا قاتىسۋعا مۇمكىندىك بەرەتىن «چەكتى تالاپ ەت تە – ۇتىستى جەڭىپ ال!» اكتسياسى سياقتى حالىقتىق باقىلاۋ شارالارىنىڭ ءبىرى ءوز ۇلەسىن ەنگىزەدى, بۇل رەتتە باعالى سىيلىقتار دا ۇتىپ الادى. 

اكتسيا شەڭبەرىندە 2017 جىلى 336 ۇتىستان استام ويناتىلدى,  باس جۇلدە - اۆتوموبيل. ەلىمىز بويىنشا اكتسياعا 2,5 ملن استام فيسكالدىق چەكتەر قاتىستى.

بۇدان باسقا, كوميتەت تۇراقتى تۇردە سالىقتىق قۇقىق بۇزۋشىلىقتاردى قىلمىستىق سيپاتتان ارىلتۋ بويىنشا, كاسىپكەرلىكتىڭ قورعالۋىن قامتاماسىز ەتۋ جانە بيزنەسكە اكىمشىلىك قىسىمدى تومەندەتۋ بويىنشا تالدامالىق جانە زاڭ شىعارماشىلىق جۇمىستارىن جۇرگىزۋدە.

قىلمىستىق-پروتسەستىك زاڭنامانى جەتىلدىرۋ جونىندەگى قر زاڭ شەڭبەرىندە زالالدى ەرىكتى تۇردە وتەگەن جاعدايدا العاشقى رەت ءىس-ارەكەتتى جاساعان تۇلعانى قىلمىستىق جاۋاپتىلىقتان بوساتۋ جونىندە سالىقتىق قۇقىق بۇزۋشىلىقتار بويىنشا زالالدىڭ شەكتى سوماسىن 2000 اەك-تەن 20 000 اەك-كە دەيىن كوتەرۋ, اكىمشىلىك ايىپپۇلداردى تومەندەتۋ جانە ت.ب. بولىگىنە وزگەرىستەر ەنگىزىلدى.

كوميتەت قىزمەتىن ترانفورماتسيالاۋ شەڭبەرىندە الدىن الا قابىلدانىپ جاتقان جوعارىدا كورسەتىلگەن بارلىق شارالار بيزنەسپەن ارىپتەستىك قاتىناستى قالىپتاستىرۋعا مۇمكىندىك بەرەدى.