15 جىل قاڭىراپ تۇرعان عيمارات ەدى...

نەبارى 7 ايدا جاڭعىرىپ شىعا كەلدى

تاراز قالاسىنداعى قاڭىراپ تۇرعان ءتورت قاباتتى عيماراتتى قايتا قالپىنا كەلتىرۋگە 100 ميل­ليون تەڭگەدەن استام قارجى جۇمسالدى. جەتى ايعا سوزىلعان تياناق­تى جوندەۋ جۇمىسىنان كەيىن ينە-جىپتەن جاڭا شىققان بۇيىم­داي جارقىراعان جاتاق­حانادا قازىر 55 وتباسىنا ارنالعان سەكتسيا بار. ارينە, بويداقتارعا ار­نال­عان بولمەلەر دە ۇمىت قالما­عان. ءار قاباتتىڭ ءوز اسحاناسى مەن تىنىعاتىن ورىندارى دا ويلاس­تىرىلعان. سونداي-اق, جاتاقحانادان باسپانا بۇيىرعان جاس وتباسىلار ءتاي-ءتاي باسقان بۇلدىرشىندەرىنە  ارنالعان جانە  ءتۇرلى ويىنشىق­تار­مەن جاراقتالعان كەڭ دە جىلى بولمەنى كورگەندە, ءتىپتى قايران قالدى. ولار وسىناۋ جان-جاقتى قامقورلىق ءۇشىن ايىنا نەبارى 12 مىڭ تەڭگە تولەپ تۇراتىن بولادى. «قازفوسفات» جشس باس دي­رەكتورى مۇقاش ەسكەندىروۆتىڭ ايتۋىنشا, قاڭىراپ تۇرعان جا­تاق­حانانى ساپالى جوندەۋدەن ءوت­كىزىپ, زاۋىت جۇمىسشىلارىنا تار­تۋ ەتۋ ماسەلەسى جاس مامانداردىڭ كوكتەمدە وتكەن فورۋمىندا كوتە­رىلگەن ەكەن. مىنە, وسى ۇسىنىس نازارعا الىنىپ, ول نەبارى جەتى ايدىڭ ىشىندە, ياعني جىل اياقتال­ماي ورىندالعان. كوسەمالى ساتتىباي ۇلى. جامبىل وبلىسى.