وبلىستىڭ شەتكەرى وڭىرىندە ورنالاسقان اۋداننىڭ نەگىزگى سالاسى – اۋىل شارۋاشىلىعى, ونىڭ ىشىندە ەگىنشىلىك جاقسى قارقىنمەن دامىپ كەلەدى. سوڭعى 10 جىل ىشىندە تىڭ جانە تىڭايعان جەرلەردى يگەرۋ ەسەبىنەن ەگىستىك كولەمى 2 ەسەدەن استام ءوسىپ, 327 مىڭ گەكتار القاپتى قۇرادى. تاۋەلسىزدىك مەرەكەسى جىلى وتان قامباسىنا بۇرىن-سوڭدى بولماعان مول استىق قۇيىلدى. گەكتار ونىمدىلىگى 17,3 تسەنتنەردەن اينالىپ, 600 مىڭ تونناعا جۋىق استىق جينالدى. ۇكىمەتتىڭ اگرارلىق سالانى قارجىلىق قولداۋى, جاڭا عىلىمي جەتىستىكتەر مەن تەحنولوگيالاردى ەنگىزۋ, تۇقىم ساپاسىن جاقسارتۋ, مامانداردى قايتا دايارلاۋ شارالارى ءوز جەمىسىن بەردى. اسىرەسە, تەحنيكالىق قايتا جاراقتاندىرۋ جۇمىستارى قارقىندى جۇرگىزىلىپ, ماشينا-تراكتور پاركىنىڭ 85 پايىزى جاڭارتىلدى. سوڭعى جىلدارى 6 ملرد. 447 ملن. تەڭگەگە 400-دەن استام زاماناۋي اۋىلشارۋاشىلىق تەحنيكالارى ساتىپ الىندى.
ەلباسى نۇرسۇلتان نازارباەۆتىڭ بيىلعى جولداۋىنداعى ەتتى مال شارۋاشىلىعىن دامىتۋ تاپسىرمالارىن ورىنداۋدىڭ جولدارى دا جان-جاقتى قاراستىرىلعان. 1997 جىلى بارلىق ءتۇلىكتىڭ سانى 40 مىڭنان ءسال عانا اساتىن. سودان بەرگى ۋاقىتتا جەكە سەكتورداعى جانە اگروقۇرىلىمدارداعى مال باسىنىڭ سانى 19 مىڭ باسقا كوبەيدى. بيىل مال وسىرۋگە ارنايى باعىتتالعان “سىباعا” باعدارلاماسى ارقىلى 16 جوبا ىسكە اسىرىلىپ, 1500-دەن استام ءىرى قارا مال ساتىپ الىندى.
اۋداننىڭ ونەركاسىپ سالاسىن وركەندەتۋگە باسا نازار اۋدارىلىپ, بىرقاتار باعدارلامالار ىسكە قوسىلدى. “ديوريت لتد” جشس-ىندە قيىرشىق تاس وندىرەتىن كاسىپورىن پايدالانۋعا بەرىلگەلى فيزيكالىق كولەم يندەكسى ارتتى. باعدارلاما اياسىندا ساعاتىنا 140 توننا قيىرشىق تاس وندىرەتىن قۇنى 874,8 ميلليون تەڭگەنىڭ شەتەلدىك قۇرال-جابدىقتارى ورناتىلدى بىلتىر يندۋستريالىق-يننوۆاتسيالىق باعدارلاماعا ءسايكەس 3 ءىرى جوبا جۇزەگە اسىرىلدى. ولارعا قۇيىلعان ينۆەستيتسيالاردىڭ جالپى كولەمى 2,5 ميلليارد تەڭگەنى قۇرادى. 140 جۇمىس ورنى اشىلدى. قۋاتتى جوبالاردىڭ ءبىرى لەنينگراد اۋىلىندا ورنالاسقان قيىرشىق تاس وندىرەتىن “شۋنگيت” جشس تولىق قۋاتىندا جۇمىس ىستەۋگە كوشتى. “اقتوبە گلاسس” جشس 1 ميللريارد 200 ميللون تەڭگە ينۆەستيتسيانى كۆارتس قۇمىن ءوندىرۋگە ارنالعان كەن بايىتۋ فابريكاسىن سالىپ, تەحنولوگيالىق جەلى پايدالانۋعا بەرىلدى. جەرگىلىكتى جەردىڭ تابيعات جاعدايى ەسكەرىلىپ, كاسىپورىننىڭ جوبالاۋ-سمەتالىق قۇجاتى قايتا جاسالدى. ءسويتىپ, قۇمدى كەپتىرۋگە ارنالعان تسەحتىڭ جۇمىسى ديزەل وتىنىنان گازعا اۋىستىرىلدى. فابريكا ەكولوگيالىق تازا بايىتىلعان كۆارتس قۇمىن وندىرەدى. 50-دەن استام ادام جۇمىسپەن قامتىلدى. “ەڭبەك نان” جشس-نىڭ قارجىلىق قولداۋىمەن سىيىمدىلىعى 60 مىڭ توننالىق ەلەۆاتور بوي كوتەردى. مۇندا استىق ونىمدەرىن قايتا وڭدەيتىن كانادالىق قۇرال-جابدىقتار ورناتىلعان. جوبانىڭ جالپى قۇنى – 745 ملن. تەڭگە. الدا اتقارىلاتىن ماڭىزدى شارۋالاردىڭ ءبىرى– مال ونىمدەرىن ۇقساتۋ ونەركاسىبى سالاسىن جانداندىرۋ. 3 ءىرى جوبا بويىنشا ازىرلەنگەن سمەتالىق قۇجاتتار قارجىلاندىرۋ ينستيتۋتتارىنا ساراپتاما جاساۋعا تاپسىرىلدى.
پرەزيدەنت جىل سايىنعى ءداستۇرلى جولداۋىندا الەۋمەتتىك سالانى دامىتۋعا ەرەكشە قولداۋ كورسەتىپ كەلەدى. اۋدانداعى بارلىق ەلدى مەكەندەر ءبىلىم بەرۋ ءجانە دەنساۋلىق ساقتاۋ مەكەمەلەرىمەن قامتاماسىز ەتىلگەن. جىلىنا 4-5 مەكتەپكە كۇردەلى جوندەۋ جۇمىستارى جۇرگىزىلەدى. مەكتەپتەر مەن مەديتسينالىق قوسىنداردىڭ ماتەريالدىق-تەحنيكالىق بازاسىن نىعايتۋعا بولىنەتىن قاراجات كولەمى ارتىپ, كورسەتىلەتىن قىزمەت ساپاسى اناعۇرلىم جاقساردى. كومپيۋتەر سىنىپتارى “ينتەرنەت” جانە “وkۋ.Net” جۇيەسىنە قوسىلعان. تالشىق, لەنينگراد اۋىلدارىندا بالاباقشالار ەسىگىن ايقارا اشتى. “100 مەكتەپ, 100 اۋرۋحانا” باعدارلاماسى اياسىندا اۋدان ورتالىعى – تالشىق اۋىلىندا 100 توسەكتىك 200 ادامدى قابىلدايتىن ەمحانا پايدالانۋعا بەرىلدى. 400 ورىندىق جاڭا ستاديون سالاماتتى ءومىر سالتىن سەرىك ەتكەن تۇرعىنداردىڭ ءجيى باراتىن ورىندارىنىڭ ءبىرى دەۋگە بولادى. “اۋىز سۋ” باعدارلاماسى شەڭبەرىندە جەرگىلىكتى بيۋدجەتتەن قاراستىرىلعان 213,6 ملن. تەڭگە قاراجاتقا تالشىق, لەنينگراد جانە سوۆحوز اۋىلدارىنا توراپتىق سۋ قۇبىرلارى, گوركي, ۇيالى, ماي, القاتەرەك, ۆوسحود اۋىلدارىنا جەرگىلىكتى سۋمەن قامتاماسىز ەتۋ جۇيەلەرى تارتىلدى. رەسپۋبليكالىق بيۋدجەتتەن بولىنگەن 500 ملن. تەڭگەگە بوستاندىق, كيەۆ اۋىلدارىنا سۋ مۇناراسى قۇرىلىسىمەن بىرگە سۋ قۇبىرلارى جەتكىزىلدى.
قۇرىلىس جۇمىستارىنىڭ نەگىزگى بولىگى جەكە ادامداردىڭ قاراجاتىنا دا, جەرگىلىكتى بيۋدجەت ەسەبىنەن دە سالىندى.
بۇرىنعى ءبىلىم ءبولىمىنىڭ ەكى قاباتتى بوس تۇرعان عيماراتى قايتا جوندەۋدەن وتكىزىلىپ, جاس وتباسىلار ءۇشىن شاعىن جاتاقحاناعا لايىقتالدى. ءبىر كوممۋنالدىق ءۇي پايدالانۋعا بەرىلدى. “جۇمىسپەن قامتۋ-2020” باعدارلاماسى اياسىندا تاعى 8 تۇرعىن ءۇي پايدالانۋعا بەرىلەدى.
سوڭعى بەس جىل ىشىندە مادەنيەت نىساندارىنىڭ سانى 4 ەسەگە ءوسىپ, 18 كلۋبتى, 13 مەملەكەتتىك كىتاپحانانى قۇراپ وتىر. «جول كارتاسى» شەڭبەرىندە اۋداندىق مادەنيەت ءۇيى, كەڭاششى اۋىلدىق كلۋبى قالپىنا كەلتىرىلدى. ولاردىڭ جوندەۋ جۇمىستارىنا 27 ميلليون تەڭگە جۇمسالدى.
ەلباسىنىڭ ساليقالى ساياساتى مەن جارقىن باستامالارىنىڭ ءناتيجەسىندە جيىرما جىلدىڭ ىشىندە الەم مويىنداعان قازاقستان مەملەكەتى قۇرىلدى, ەلدىڭ جاعدايى, ەكونوميكاسى تۇزەلدى. ءبىز پرەزيدەنت بەلگىلەپ بەرگەن مىندەتتەردى ورىنداۋ ماقساتىندا ءجانە اۋداننىڭ الەۋمەتتىك-ەكونوميكالىق دامۋى جولىندا قول جەتكەن تابىسىمىزدى نىعايتۋعا بارلىق كۇش-قۋاتىمىز بەن ءتاجىريبەمىزدى جۇمساي بەرەتىن بولامىز.
اعزام تاستەمىروۆ, اقجار اۋدانىنىڭ اكىمى.
سولتۇستىك قازاقستان وبلىسى.