مەملەكەت باسشىسىنىڭ اتىنا تاياۋ جانە الىس شەت ەل تۇرعىندارىنان ونىڭ قازاقستاننىڭ حالىقارالىق ارەناداعى ءرولىن ارتتىرۋعا جانە ەلدەر اراسىنداعى قارىم-قاتىناستاردى نىعايتۋعا باعىتتالعان ساياساتىنا قولداۋ بىلدىرگەن حاتتار كەلىپ تۇسۋدە, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
اتاپ ايتقاندا, رەسەي ازاماتى ل.ماگومادوۆتىڭ حاتىندا الماتىداعى ۇلدارىنا كەلگەن ءاربىر ساپارى, ول ءۇشىن ۇلتارالىق كەلىسىم, قازاقستاندىقتاردىڭ ءوز بولاشاعىنا سەنىمى نەگىزىندە قازاقستاندا سالتانات قۇرعان جاسامپازدىق, بەيبىتشىلىك پەن كەلىسىم, ىشكى ساياسي كونسەنسۋس, جاعىمدى سەزىم مەن زور ءسۇيىنىش تۋدىراتىنى ايتىلادى.
حات يەسى سونداي-اق قازاقستاندا تۇرىپ جاتقان ءوز بالالارىنىڭ بولاشاعىنا سەنىمدى.
«نۇرسۇلتان نازارباەۆتىڭ ءتاجىريبەسى, دانالىعى, ادامدارعا دەگەن سۇيىسپەنشىلىگى سياقتى قاسيەتتەر قازاقستان كوشباسشىسىن بەيبىتشىلىك پەن كەلىسىمدى قامتاماسىز ەتەتىن «عاسىر ساياساتى» دەڭگەيىنە الىپ شىعادى», – دەپ اتاپ وتكەن ل.ماگومادوۆ.
«قازاق حالقىنىڭ توزىمدىلىگى, بارلىق حالىقپەن بەيبىتشىلىك پەن كەلىسىمدە ءومىر سۇرە ءبىلۋى جانە وسىنداي قاسيەتتى جەردە ءومىر ءسۇرىپ جاتقان بارلىق ەتنوس ءۇشىن قازاقستاندى ورتاق ءۇي جاساۋعا يگى ىقپالىن تيگىزدى جانە الەمگە نۇرسۇلتان ءابىش ۇلى نازارباەۆ سىندى ساياساتكەردى بەردى», – دەلىنگەن ل.ماگومادوۆتىڭ حاتىندا.
اۆتور قازاقستان پرەزيدەنتىنە قازاقستان-رەسەي قاتىناستارىنىڭ دامۋىنا قولداۋ كورسەتكەنى ءۇشىن العىسىن بىلدىرەدى. ول نۇرسۇلتان نازارباەۆ – كەڭەس وداعى تاراعاننان كەيىن قازاقستان مەن رەسەي حالىقتارىنىڭ تۋىستىق قاتىناستارىنا ءبىر ءسات تە كۇمان كەلتىرمەگەن بىردەن-ءبىر كوشباسشى ەكەنىن ەرەكشە اتاپ وتەدى.