الىستان ات ارىتىپ كەلگەن الماتىلىق ارىپتەستەرىن قازاقستان پاتريوتتارى پارتياسى شىمكەنت قالالىق كوميتەتىنىڭ توراعاسى ۆلاديمير ناگيسباەۆ قارسى الدى. ۆلاديمير يۆانوۆيچ ۇقك-ءنىڭ زاپاستاعى گەنەرال-مايورى ەكەندىگىن دە ايتا كەتكەن ءجون. ول وسىندا تۋىپ-وسكەن. اكتسيونەرلىك قوعامنىڭ اككۋمۋلياتور شىعاراتىن تسەحىنىڭ جۇمىسشىلارىمەن بولعان كەزدەسۋ بارىسىندا زاۋىتتىڭ جابىلماۋى قاجەتتىگى كەڭىنەن ءسوز بولدى. جۇمىسشىلار زاۋىتتى قالانىڭ سىرتىنا شىعارۋ ماسەلەسىنە وزدەرىنىڭ رەنىشتەرىن ءبىلدىردى. زاۋىت تولىق جۇمىس كۇشىنە ەنىپ, جەرگىلىكتى جەردىڭ ەكونوميكاسىنا وڭ ىقپالىن تيگىزۋى قاجەتتىگى جيىن بارىسىندا وتكىر ماسەلە ەتىپ قويىلدى.
سونداي-اق كەزدەسۋدە ەلىمىزدىڭ يندۋستريالىق-يننوۆاتسيالىق دامۋ باعدارلاماسىنا سايكەس وڭىرلەردە جاڭا ءوندىرىس ورىندارىن كوپتەپ اشۋ جونىندە دە ءبىراز ويلار ورتاعا سالىندى. سوندا اتالعان كومبيناتتىڭ ءبىر كەزدەرى ءدۇركىرەپ تۇرعانى مەن قازىرگى جاعدايى ايتىلىپ, قالالىق اكىمدىكتىڭ زاۋىتتى قالانىڭ سىرتىنا شىعارۋ تۋرالى ۇسىنىسى جۇمىسشىلار تاراپىنان سىنعا الىندى. پارتيا ءوزى تاراپىنان بۇل ءماسەلەدە ولاردىڭ پروبلەماسىن كوتەرەتىندىكتەرىن جەتكىزدى.
شىمكەنتتە, سونىمەن قاتار, دەپۋتاتتىقتان ۇمىتكەرلەر كوللەدج شاكىرتتەرىمەن, سپورتشىلارمەن كەزدەسۋ ءوتكىزدى. وڭتۇستىك قازاقستان سپورت قاۋىمداستىعى وكىلدەرىمەن بولعان كەزدەسۋ كەزىندە اۋىل, اۋدان جانە كىشىگىرىم قالالاردا سپورت كەشەندەرىنىڭ جوقتىعى كولدەنەڭ تارتىلدى. ويتكەنى, جاستاردىڭ قازىرگى تاڭدا باراتىن جەرى بولماي تۇر. بۇل ماسەلەنىڭ تۇپكىلىكتى شەشىم تابۋى ءۇشىن سپورتشىلار بۇل سالاعا ينۆەستيتسيا تارتۋ قاجەت, دەپ ەسەپتەيتىندىكتەرىن دە جاسىرمادى.
پارتيا بەلسەندىلەرى شىمكەنت شاھارىندا دا بازارلاردى ارالاپ كورىپ, وتاندىق اۋىل شارۋاشىلىعى ونىمدەرىن كوپتەپ شىعارۋ قاجەتتىگىنە كوز جەتكىزدى. قازىرگى تاڭدا قالا بازارلارىنا ساپاسىز جەمىس-جيدەكتەر سىرتتان تاسىلسا, ساپالى دا ارزان ءونىمدى وزىمىزدە-اق شىعارا الاتىن ەدىك, دەدى پاتريوتتىقتار. ولاردىڭ پايىمىنشا, وڭتۇستىك وڭىردە جەمىس-جيدەكتەردى كوبىرەك ءوسىرىپ, ونى وڭدەيتىن ءوندىرىس ورىندارىن دا سالۋعا بولار ەدى.
پاتريوتتار پارتياسى اتىنان ءماجىلىس دەپۋتاتتىعىنا كانديداتتار كەشە الماتى قالاسىندا «قازاق تابيعات قورعاۋ» قوعامىندا بولىپ, وندا ەكولوگييالىق ماسەلەلەر تالقىعا سالىندى. ەكولوگيا عىلىمدارىنىڭ كانديداتى, بەلگىلى ەكولوگ ايجان سقاقوۆا پاتريوتتار پارتياسىنىڭ جاستار قاناتى اتىنان ءسوز الىپ, بىرقاتار ەكولوگيالىق باستامالاردى كوتەردى. وسى جەردە جۇمىس ىستەيتىن كوپتەگەن ەكولوگتار وزدەرىنىڭ پارتياعا وتەتىندىكتەرىن مالىمدەپ, باس-اياعى 37 ادام پارتيا قاتارىنا قوسىلعانى بەلگىلى بولدى. سول سياقتى «قازاق تابيعات قورعاۋ» قوعامىنىڭ توراعاسى, پروفەسسور امانگەلدى سقاقوۆ ءوزىنىڭ ءجۇرەكجاردى تىلەگىن ءبىلدىرىپ, سەنىم بىلدىرىلگەن ادام رەتىندە پارتيا اتىنا ءبىراز جىلى سوزدەر دە ايتتى.
وسى ورايدا تاراز قالاسىندا 5 ادام پارتيا قاتارىنا وتسە, شىمكەنت شاھارىندا 7 ەرىكتى وزدەرىنىڭ پارتيا قاتارىنان كورىنگىسى كەلەتىندىكتەرى تۋرالى نيەت ءبىلدىردى. ولار پارتياعا قابىلداندى. وسىلايشا پارتيا بەلسەندىلەرى ءوز قاتارلارىنا قوسىلعىسى كەلەتىندەردى تىركەۋدەن وتكىزىپ, پارتيا بيلەتىن قولما-قول تاپسىرىپ وتىردى.
اسقار تۇراپباي ۇلى.