ميسسيا جەتەكشىسىمەن پىكىر الماستى

بۇرناعى كۇنى ورتالىق سايلاۋ كوميسسياسىنىڭ توراعاسى قۋاندىق تۇر­عان­قۇلوۆ قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىن بايقاۋ جونىندەگى ەقىۇ/دياقب ميسسياسىنىڭ باس­شىسى ميكلوشا حاراستيمەن جانە ميسسيا باسشىسىنىڭ ورىنباسارى كلاۋديا ۆوللمەرمەن كەزدەستى. كوميسسيا توراعاسى قۋان­دىق تۇر­عان­قۇلوۆ ەقىۇ/دياقب ميسسياسىنىڭ وكىلدەرىن سايلاۋ ناۋقانىنىڭ بارى­سى­مەن تانىستىرىپ ءوتتى جانە بۇل رەتتە ساياسي پارتيالار مەن ءماس­ليحاتتار دە­پۋ­تاتتىعىنا كانديداتتاردىڭ سايلاۋالدى ۇگىتى كەزەڭىنە ەنگىزىلگەن ءتو­تەنشە جاع­دايعا بايلانىستى جاڭا­وزەن قالاسىندا سايلاۋالدى ۇگىتتى ۇيىمداستىرۋدىڭ كەي­بىر ەرەكشەلىكتەرىنە, جارلىقپەن بەلگىلەنگەن شەكتەۋلەردى ەسكەرە وتى­رىپ, كانديداتتار مەن سايلاۋ­شى­لار­دىڭ قۇقىقتارىن قامتا­ماسىز ەتۋ ءۇشىن قابىلدانىپ وتىرعان شارالارعا ەرەكشە توقتالدى. «ساياسي پارتيالاردىڭ سايلاۋ ال­دىن­داعى ۇگىتى زاڭ اياسىندا ءوتىپ وتىر. مو­نيتورينگ ناتيجەلەرى بويىنشا, وتكەن كەزەڭدە زاڭمەن كوزدەلگەن تەپە-تەڭدىك ساقتالعان. جاڭاوزەن قال­اسىندا پارتيالار مەن ءماسليحاتتار دەپۋتات­تىعىنا كانديداتتاردىڭ ساي­لاۋالدى كوپشىلىك شارالارىن وتكى­زۋدە بەلگىلى ءبىر شەكتەۋلەر بولادى. ءماس­ليحاتتار دەپۋتات­تى­عىنا كانديداتتار ءۇشىن بۇل شەكتەۋ­لەردىڭ ورنى ولارعا بيۋدجەتتەن بولىنگەن قارا­جاتتى باق-تاردا قو­سىم­شا ۇگىت ما­تەريالدارىن جاريالاۋعا جانە باسپا ونىمدەرىن شىعارۋ ءۇشىن قايتا بولۋگە رۇقسات ەتە وتىرىپ, تول­تىراتىن بولا­مىز», دەپ اتاپ ءوتتى ورتسايلاۋكوم باسشىسى. ءارى قاراي تاراپتار سايلاۋ ناۋ­قا­نىنىڭ ءارتۇرلى قىرلارى بويىنشا, سونىڭ ىشىندە داۋىس بەرۋ كۇنى ازاماتتار مەن قوعامدىق بىرلەس­تىك­تەردىڭ سوت­قا شاعىم جاساۋ جانە ولاردى قاراۋ ءتار­تىبىنە, ساياسي پارتيالار مەن ءماس­ليحاتتار دەپۋتات­تىعىنا كانديدات­تار­دىڭ سايلاۋالدى ۇگىتىن قار­جى­لاندىرۋ ماسەلەسىنە قاتىستى پىكىر الماستى. كەزدەسۋ سوڭىندا تاراپتار ءداستۇرلى قالىپ­تاسقان ارىپتەستىك پەن تىعىز ىنتى­ماق­تاستىق قارىم-قا­تىناستار 2012 جىلعى قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ سايلاۋىندا دا جالعاسىن تاباتىنىنا سەنىمدىلىك ءبىلدىردى. ءاليسۇلتان قۇلانباي.