كەدەن وداعىندا كارامەل وندىرۋشىلەردىڭ ەكونوميكالىق مۇددەلەرىن قورعاۋ جونىندەگى شارالار تۋرالى
شەشىم
2010 جىلعى 19 قاراشاداعى وتپەلى كەزەڭ ىشىندە ارنايى قورعاۋ, دەمپينگكە قارسى جانە وتەماقى شارالارىن قولدانۋ ءتارتىبى تۋرالى كەلىسىمگە سايكەس كەدەن وداعى كوميسسياسى شەشتى: 1. 2014 جىلعى 7 شىلدەنى قوسا العانداعى مەرزىمى بويىنشا كەدەن وداعىنىڭ بىرىڭعاي كەدەن اۋماعىنا اكەلىنەتىن 1704 90 710 0, 1704 90 750 0, 1806 90 500 1, 1806 90 500 2 كو سەق تن كودتارىمەن جىكتەلەتىن كارامەل 1000 كيلوگراممى ءۇشىن 294,1 اقش دوللارى مولشەرىندە ارنايى باج سالىعى بەلگىلەنسىن. كورسەتىلگەن ارنايى باج سالىعىن قولدانۋ ماقساتىندا تاۋار كو سەق تن كودتارىمەن, سونداي-اق تاۋاردىڭ اتاۋىمەن ايقىندالادى. 2. وسى شەشىممەن بەلگىلەنگەن ارناۋلى باج سالىعىنىڭ ارەكەتى دامۋشى قىتاي حالىق رەسپۋبليكاسىن (تايۆان جانە قىتايدىڭ ارنايى اكىمشىلىك اۋداندارى گونكونگ پەن ماكاونى قوسا العاندا) جانە تۋركيا رەسپۋبليكاسىن قوسپاعاندا, كەدەن وداعىنىڭ تاريفتىك پرەفەرەنتسيالار جۇيەسىن پايدالانۋشىلار-شىعارىلاتىن ەلدەردەن كارامەل اكەلۋگە قولدانىلمايدى. 3. بەلارۋس رەسپۋبليكاسى مەملەكەتتىك كەدەندىك كوميتەتى, قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى, فەدەرالدىق كەدەندىك قىزمەتكە وسى شەشىممەن بەلگىلەنگەن ارناۋلى باج الۋدى قامتاماسىز ەتسىن. 4. وسى شەشىمنىڭ 1-تارماعىندا كورسەتىلگەن تاۋاردى اكەلۋگە قاتىستى قازاقستان رەسپۋبليكاسىندا بەلگىلەنگەن قورعاۋ شاراسى وسى شەشىم قولدانىسقا ەنگىزىلگەننەن كەيىن ءوز ارەكەتىن توقتاتادى. 5. وسى شەشىم ونىڭ رەسمي جاريالانعان كۇننەن كەيiن كۇنتiزبەلiك وتىز كۇن وتكەن سوڭ قولدانىسقا ەنگiزiلەدi. بەلارۋس رەسپۋبليكاسىنىڭ ۇكىمەتى اتىنان س.رۋماس. قازاقستان رەسپۋبليكاسىنىڭ ۇكىمەتى اتىنان ءو.شوكەەۆ. رەسەي فەدەراتسياسىنىڭ ۇكىمەتى اتىنان .شۋۆالوۆ.