العاشقى اكۋستيكالىق دومبىرا

قازاقتا ون ساۋساعىنان ونەر تامعان قىز-جىگىتتەر كوپ. سولار­دىڭ ءبىرى ءادىل ءسابيت دەگەن ازامات جاقىندا اكۋستيكالىق دوم­بى­را جاساپ شىعىپتى.

دۇيسەنبى كۇنى استانا اۋە­جا­يىنا انتاركتيدادان كەلگەن ءبىر توپ عالىمدى قارسى الۋعا بار­عا­نىمىزدا, قازاق جىگىتىنىڭ قولى­نان شىققان سول ءبىر دۇنيەنى كو­رىپ, ريزا بولدىق. بۇل اكۋس­تي­كا­لىق دومبىراعا تاپسىرىس بەرگەن ەرجان يسين دەگەن ازامات ەكەن. ءوزى كاسىپقوي دومبىراشى, كەزىندە الماتىداعى كونسەرۆاتوريادا وقىپ, قۇرمانعازى وركەسترى مەن «سازگەن» فولكلورلىق-ەتنو­گرا­فيالىق ءانسامبلىنىڭ ءمۇ­شەسى بول­عان ەرەكەڭ بىلتىر ادە­يى اكۋس­تيكالىق دومبىراعا تاپ­سىرىس بەرگەن كورىنەدى. ءسويتىپ, وسى دومبىرانى ءادىل ءسابيت 10 ايدا جاساپ, جاقىندا عانا اس­پاپ­تى ەرجاننىڭ قولىنا ۇستا­تىپتى.

«دومبى­را­نىڭ ءۇنى, دىبىسى جاقسى شىعادى ەكەن. اكۋستي­كا­لىق دومبىرا جا­ساۋعا بولاتى­نىن قايدان ءبىلدى­ڭىز؟», – دەپ سۇ­را­دىق ەرەكەڭنەن. سوندا ول: «مە­نىڭ الماتىدا گيتارادا وي­ناي­تىن, مۋزىكاعا قى­زىعاتىن دوس­­تارىم كوپ. سولارمەن بىرگە بىردە ادىلمەن كەزدەسكەنىمىزدە, ونىڭ گيتارا جاساي­تى­نىن ءبىلدىم. سول جەردە وعان وسى ۇسى­نى­سىم­دى ايتىپ, اكۋستيكا­لىق دومبىرا جاساپ بەرۋىن ءوت­ىن­دىم», – دەيدى. «ادىلگە دومبى­را­نى جاساپ بەرگەنىنە ريزامىن. دوم­بىرا وتە ادەمى شىققان, شە­بەردىڭ اسىق­پاي جاساعانى كورى­نىپ تۇر», دەپ قوسىپ قويدى ول.

شىنىمەن دە, ەرجاننىڭ ايت­قانىنداي, ادەمى, قولىڭا الىپ, تارتىپ كورسەڭ دىبىسى جاقسى شىعاتىن دومبىرا ەكەن. ونىڭ ايتۋىنشا, بۇعان دەيىن رەسەيلىكتەر اكۋستيكالىق دومبىرا جاسا­عى­سى كەلگەن كورىنەدى. بىراق ەر­جاننىڭ ءوزى ونى دومبىرا دەپ ەسەپتەگىم كەلمەيدى دەيدى. «نەگە؟» – دەپ سۇرايمىز عوي. «ءويت­كەنى, ونىڭ ىشەكتەرى گيتارانىكىنەن جاسالعان. ولار ءتورت شەكتىڭ ەكەۋىن قالدىرىپ, بىزگە اكۋستي­كالىق دومبىرا جاسادىق دەپ كورسەتكىسى كەلگەن. ال مىنا دوم­بىرا كادىمگى اعاش دومبىرانىڭ شەكتەرىنەن جاسالعان. ونىڭ داۋ­ىس شىعارعىشى شاناقتىڭ ىشىنەن وتكەن. دومبىرانىڭ تاعى باس­قا ىشكى تەتىكتەرىنىڭ ءبا­رىن دوم­بىرا جاساعان شەبەر عانا بىلەدى», – دەيدى ول. ءيا, دومبى­رانى ۇستاساڭىز شىنىمەن دە ونىڭ كادىمگى اعاش دومبىرانىڭ ىشەكتەرىنەن جاسالعانىن كورەسىز. ەرجاننىڭ ايتۋىنشا, بۇل دوم­بىرانى ول شەرتپە كۇيلەر ور­ىن­داۋ ءۇشىن جاساتقان ەكەن. رەسەيلىكتەر جاساعان «دومبىرادا» تەمىر «ىشەكتەرمەن» ونداي كۇيلەر ورىنداۋعا تىپتەن مۇمكىن ەمەس. «دومبىرادا توكپە, شەرتپە كۇي­لەر ورىنداۋ كەرەك. سوندىقتان وسى دومبىرانى ادىلگە ادەيى جاساتتىم»,– دەيدى ول.

وسى جەردە ودان بىزگە دوم­بىرا شەبەرى ءادىل ءسابيتتىڭ تە­لەفونىن سۇراپ, ونىمەن كەڭىرەك اڭگىمەلەسكىمىز كەلەتىنىن بىلدىرگەنىمىزدە, ەرجان قازىر الما­تى­عا, ونىڭ ۇيالى تەلەفونىنا حا­بار­لاسىپ كورەيىن دەپ, ءبىر 15 مينوتتەن كەيىن قايتا تەلە­فو­نى­مىزعا شىققانىندا ءادىلدىڭ گازەتكە سۇحبات بەرۋدى ءالى ەرتەرەك سا­نايتىنىن, كەشىرىم وتىنەتىنىن جەتكىزدى.

وسىندايدا ءوزى تۇڭعىش رەت اكۋستيكالىق دومبىرا جاساپ, كوپتىڭ اراسىنان كورىنگىسى كەلمەي, قاراپايىم شەبەرحاناس­ىن­دا سۇيىكتى ىسىمەن اينالىسۋدى عانا قالايتىن شەبەرگە قالاي ريزا بولمايسىڭ.

داستان كەنجالين.

––––––––––––

سۋرەتتە: تۇڭعىش اكۋستيكا­لىق دومبىرا.

سۋرەتتى تۇسىرگەن ورىنباي بالمۇرات.