جۇرگىزۋشى كۋالىگىن اۋىستىرۋ مەن كولىك قۇرالىن تىركەۋ قىزمەتتەرى ونلاين فورماتقا اۋىستى

بۇگىن «ازاماتتارعا ارنالعان ۇكىمەتتىڭ» قىزىلوردا وبلىسى بويىنشا فيليال قىزمەتكەرلەرى وسى قىزمەتتەردى اۆتوكولىك يەلەرى اراسىندا كەڭىنەن اقپاراتتاندىرۋ جانە تانىمال ەتۋ ماقساتىندا كەڭ كولەمدى اكتسيا وتكىزدى.

ءىس-شارا ءبىر مەزەتتە وبلىس ورتالىعى مەن اۋدان ورتالىقتارىنداعى ماقساتتى اۋديتوريا كوپ جينالاتىن مامانداندىرىلعان حقكو-دا, كولىك ساتاتىن بازارلاردا, اۆتوسالونداردا ءوتتى.

«اتالمىش قىزمەتتەردى ونلاين-رەجيمدە الۋ مەحانيزمى وتە قاراپايىم. ول ءۇشىن egov.kz پورتالىنا كىرىپ, ءتيىستى ءوتىنىمدى تولتىرىپ جانە ءوزىنىڭ جەكە ەلەكتروندى تسيفرلىق قولتاڭباسىمەن (ەتسق) قول قويسا بولعانى.

بۇرىن كولىك قۇرالىن ساتۋشى جانە ساتىپ الۋشى وسى قىزمەتتى كورسەتۋگە ءوتىنىم بەرۋ ءۇشىن «ازاماتتارعا ارنالعان ۇكىمەتتىڭ» فرونت-وفيسىنە (حقكو, مامانداندىرىلعان حقكو) ءبىر ۋاقىتتا بارلىق قاجەتتى قۇجاتتارىمەن بارۋى قاجەت بولاتىن. ەندى ازاماتتار ۇيدەن شىقپاي-اق, ونلاين رەجيمىندە ءوتىنىش بەرۋ مۇمكىندىگىنە يە بولدى», - دەيدى مەملەكەتتىك كورپوراتسيانىڭ وبلىستىق فيليال ديرەكتورىنىڭ ورىنباسارى اينۇر توباەۆا.

مىسالى, كولىك قۇرالىن ساتۋشى پورتالدا اۆتوريزاتسيالانادى, «كولىك جانە كوممۋنيكاتسيا» بولىمىنە اۋىسادى جانە «كولىك قۇرالىنىڭ تىركەۋ ءۇشىن ەلەكتروندىق ءوتىنىش بەرۋ» دەگەن قىزمەتتى تاڭدايدى. سودان كەيىن قاجەتتى كولىك قۇرالىنىڭ ءتىزىمىن انىقتايدى, الاڭدى تولتىرادى جانە ءوزىنىڭ ەلەكتروندىق قولتاڭباسىن پايدالانا وتىرىپ, قول قويادى. ونلاين قىزمەتى ساتۋشىنىڭ بارلىق ايىپپۇلدارى مەن سالىقتارىن تولىق تولەۋدى, وزەكتى تەحنيكالىق قاراپ تەكسەرۋ بولۋىن تالاپ ەتەدى. وسىدان كەيىن, كولىك ساتىپ الۋشى پورتالىنىڭ جەكە كابينەتىنە ول وتىنىممەن تانىسا الادى جانە قىزمەتالۋشىعا «تانىستى, سۇراۋ سالۋعا وتۋىنە بولادى» دەگەن حابارلاما كەلەدى.

ەگەر ساتىپ الۋشى مامىلەگە كەلىسىم بەرگەن جاعدايدا, ول تولەنبەگەن ايىپپۇلدار مەن سالىق بەرەشەگىن بولۋىنا تەكسەرىلەتىن كەلەسى قادامعا بارادى.

سونداي-اق, وسى كەزەڭدە, ساتىپ الۋشىنىڭ جاي نەمەسە جوعارى سۇرانىسقا يە مەملەكەتتىك تىركەۋ ءنومىرىن تاڭداۋعا مۇمكىندىگى بار.

ال جۇرگىزۋشى كۋالىگىن اۋىستىرۋ ءتىپتى وڭاي. ەلەكتروندى پورتالدا وتىنىمگە فوتوسۋرەت جانە قولتاڭبانىڭ سكانەرلەنگەن سۋرەتى قوسا جۇكتەيسىز. جەكە كابينەتتە قۇجاتتىڭ دايىن ەكەندىگى تۋرالى حابارلاما العاننان كەيىن مامانداندىرىلعان حقكو-عا بارىپ تەك دايىن جۇرگىزۋشى كۋالىگىن الىپ كەتەتەسىز.

مامانداندىرىلعان حقكو-نىڭ قۇجات بەرۋ بولىمىندە اۋىستىراتىن ەسكى جۇرگىزۋشى كۋالىگىن, جەكە باسىن كۋالاندىراتىن قۇجات, مەملەكەتتىك باج تولەگەنى تۋرالى ەلەكتروندىق چەك پەن ءوتىنىشتى ۇسىنادى.

جۇرگىزۋشى كۋالىگىنىڭ مەملەكەتتىك باج قۇنى بۇرىنعىسىنشا وزگەرتۋسىز قالدى – 1,25 اەك كولەمىندە, ياعني 3 006, 25 تەڭگە.

ەگەر ءسىز جۇرگىزۋشى كۋالىگىن مەرزىمى ءوتىپ كەتكەننەن كەيىن اۋىستىراتىن بولساڭىز, وندا سىزگە پسيح - جانە ناركو - ديسپانسەردەن انىقتاما, سونداي-اق 083-فورماداعى مەديتسينالىق انىقتاما قاجەت بولادى.

ايتا كەتەيىك, قىزمەت ىسكە قوسىلعاننان بەرى 150-گە جۋىق قىزىلوردالىق جاڭاشىلدىقتىڭ يگىلىگىن كورىپ, اتالمىش قىزمەتتەردى ونلاين تۇردە العان.

وبلىس كولەمىندە ءوتىپ جاتقان بۇگىنگى اكتسيا بارىسىندا 1000-عا جۋىق اقپاراتتىق بروشيۋرالار تاراتىلىپ, كەڭەس بەرىلدى. شارا الداعى ۋاقىتتا دا جالعاسىن تاپپاق.