قاراساي اۋدانىنداعى «ءجاردەم» مەديتسينالىق كوللەدجىنىڭ ۇجىمى قازاقستان حالقىنىڭ دوستىق, بىرلىك جانە ءبىرتۇتاستىعىن پاش ەتكەن فەستيۆال جالاۋىن كوتەردى. ستۋدەنتتەر كوپۇلتتى وتانىمىزدا قول جەتكىزىلگەن جەتىستىكتەر مەن قازاق, تۇرىك, تاتار, ورىس, ۇيعىر, تاعى باسقا ۇلتتاردىڭ سالت-ءداستۇرىن جان-جاقتى ناسيحاتتاپ, مەملەكەتتىك ءتىل مارتەبەسى جايلى دا تولعامدى ويلارىن ورتاعا سالدى.
وبلىستىق قازاقستان حالقى اسسامبلەياسى حاتشىلىعىنىڭ باس مامانى س.سۇرابالدينوۆا, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ پروفەسسورى گ.حايرۋللين, تاعى باسقالار قاي ۇلتتىڭ بولماسىن قاسيەتتى شاڭىراقتاعى وزىندىك ورنى بار ەكەنىن جەتكىزدى. بەرەكە-بىرلىكتىڭ بەلەسىن بيىكتەتكەن كەزدەسۋ ستۋدەنتتەردىڭ بەلسەندىلىگىمەن جانە مەرەيلى جىلداعى جەتىستىكتەرىمەن ءورىلدى.
كۇمىسجان بايجان,
الماتى وبلىسى.