ماقسات – مادەني-رۋحاني قۇندىلىقتاردى تەرەڭدەتۋ

كەشە قازاقستان پارلامەنتى سەناتىندا تۇركىتىلدەس مەملەكەتتەر پارلامەنتتىك اسسامبلەياسىنىڭ (تۇركپا) الەۋمەتتىك, مادەني جانە گۋمانيتارلىق ماسەلەلەر كوميسسياسىنىڭ وتىرىسى بولدى, دەپ حابارلادى پارلامەنت سەناتىنىڭ ءباسپاسوز قىزمەتى. وتىرىسقا قاتىسۋشىلار – قازاقستان, تۇركيا, ازەر­بايجان, قىرعىزستان پارلامەنتشىلەرى, سونداي-اق عى­لى­مي ورتا مەن قوعامدىق ۇيىم­داردىڭ وكىلدەرى ءتۇر­كى­تىلدەس مەملەكەتتەردىڭ ءما­دەني-رۋ­حا­ني بايلانىس­تا­رىن ودان ءارى تەرەڭدەتۋ ءما­سەلەلەرىن تال­قىلادى. وتىرىستا ءسوز العان الەۋ­­مەتتىك, مادەني جانە گۋ­مانيتارلىق ماسەلەلەر كو­ميس­سياسىنىڭ توراعاسى عا­ري­فوللا ەسىم بىلتىرعى قا­زان ايىندا الماتىدا بولعان تۇركىتىلدەس ەلدەر ىنتى­ماق­تاس­تىق كەڭەسى ال­عاشقى سام­ميتىنىڭ ءناتي­جەلەرىنە توق­تال­دى. اتاپ ايتقاندا, سامميتتە پرەزيدەنت ن.نازار­باەۆ­تىڭ قا­زىرگى زامانعى ءتۇر­كى الە­مى­نىڭ دامۋ ماسەلەلەرىن تال­قىلاۋ جونىندەگى 2012 جىلى ءتۇر­كىستاندا سيمپوزيۋم وتكىزۋ, سونداي-اق ازەر­بايجان پرەزيدەنتى ي.اليەۆتىڭ ءتۇر­كىتىلدەس مەم­لە­كەت­تەردىڭ ءما­دەني قو­رىن قۇرۋ تۋرالى باستاما­لا­رى قول­داۋ تاپقان بو­لاتىن. وتىرىسقا قاتىسۋشىلار نازارىنا قازاقستاندىق تاراپتان ۇسىنىلعان «بىلگە-قورقىت» باعدارلاماسى تۇ­جى­رىمداماسىنىڭ جوباسى­نا قاتىستى ع.ەسىم ونىڭ مازمۇنىنا توقتالىپ, ءجۇ­زەگە اسىرۋ جايىنداعى ءوز وي­لا­رىن ورتاعا سالدى. قا­زاق­ستان­دىق پارلامەنت­شى­نىڭ اي­تۋىنشا, باعدار­لا­ما­نى ىسكە اسىرۋ تۇركىتىلدەس حالىق­تار­دىڭ مادەني, عى­لىمي جانە گۋمانيتارلىق سالا­لار­دا­عى بايلانىس­تا­رىن دامى­تۋدى سا­رالاۋعا, تۇركىلىك ىق­پال­داس­تىقتى ودان ءارى تەرەڭ­دەتۋگە قو­سىل­عان ماڭىزدى ۇلەس بولىپ تابىلادى. وتىرىستا ءسوز العان پار­لامەنتشىلەر م.اتاش, س.ۆاليەۆا, ن.دجافاروۆ, ك.وگۋت تۇركى الەمىنىڭ تۇ­تاستىعىن ساقتاۋ, جالپى الەمدىك ءور­كەنيەتتىڭ ما­ڭىز­د­ى بولىگى – تۇركى ءور­كەنيەتىنىڭ مادە­ني-رۋحاني قۇندىلىق­تا­رىن زەرت­­تەۋ قاجەتتىگىنە نازار اۋدار­دى. وتىرىسقا قاتى­سۋ­شىلار «بىلگە-قورقىت» باع­دار­لا­ما­سى تۇجىرىم­داما­سىنىڭ جو­باسىن ما­قۇلداي كەلىپ, ونى ودان ءارى جەتىلدىرۋ جايىندا ايتتى. ءتۇر­كىتىلدەس مەملەكەتتەر پارلامەنتتىك اسسام­بلەيا­سىنىڭ (تۇركپا) الەۋ­مەت­تىك, مادەني جانە گۋما­ني­تارلىق ماسەلەلەر كوميس­سيا­سىنىڭ كەزەكتى وتى­رى­سىن ال­داعى جىلى بىشكەكتە وتكىزۋ جوسپارلاندى.