2011 جىلعى 28 قازان, استانا, ۇكىمەت ءۇيى
تاريحي-مادەني مۇرا وبەكتىلەرىنىڭ قورعاۋ ايماقتارىن, قۇرىلىس سالۋدى رەتتەۋ ايماقتارىن جانە قورعالاتىن تابيعي لاندشافت ايماقتارىن ايقىنداۋدىڭ قاعيدالارىن جانە ولاردى پايدالانۋ رەجيمىن بەكىتۋ تۋرالى
«تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» قازاقستان رەسپۋبليكاسىنىڭ 1992 جىلعى 2 شىلدەدەگى زاڭىنىڭ 17-بابىنىڭ 9) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تاريحي-مادەني مۇرا وبەكتىلەرىنىڭ قورعاۋ ايماقتارىن, قۇرىلىس سالۋدى رەتتەۋ ايماقتارىن جانە قورعالاتىن تابيعي لاندشافت ايماقتارىن ايقىنداۋدىڭ قاعيدالارى جانە ولاردى پايدالانۋ رەجيمى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.قازاقستان رەسپۋبليكاسى ۇكىمەتىنىڭ 2011 جىلعى 28 قازانداعى №1218 قاۋلىسىمەن بەكىتىلگەن
تاريحي-مادەني مۇرا وبەكتىلەرىنىڭ قورعاۋ ايماقتارىن, قۇرىلىس سالۋدى رەتتەۋ ايماقتارىن جانە قورعالاتىن تابيعي لاندشافت ايماقتارىن ايقىنداۋدىڭ قاعيدالارى جانە ولاردى پايدالانۋ رەجيمى
1. جالپى ەرەجەلەر
1. وسى تاريحي-مادەني مۇرا وبەكتىلەرىنىڭ قورعاۋ ايماقتارىن, قۇرىلىس سالۋدى رەتتەۋ ايماقتارىن جانە قورعالاتىن تابيعي لاندشافت ايماقتارىن ايقىنداۋدىڭ قاعيدالارى جانە ولاردى پايدالانۋ رەجيمى «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» قازاقستان رەسپۋبليكاسىنىڭ 1992 جىلعى 2 شىلدەدەگى زاڭىنىڭ 17-بابىنىڭ 9) تارماقشاسىنا سايكەس ازىرلەنگەن جانە تاريحي-مادەني مۇرا وبەكتىلەرىنىڭ قورعاۋ ايماقتارىن, قۇرىلىس سالۋدى رەتتەۋ ايماقتارىن جانە قورعالاتىن تابيعي لاندشافت ايماقتارىن ايقىنداۋ ءتارتىبىن جانە ولاردى پايدالانۋ رەجيمىن بەلگىلەيدى. 2. تاريح جانە مادەنيەت ەسكەرتكىشى دەپ تانىلعان جانە تاريح جانە مادەنيەت ەسكەرتكىشتەرىنىڭ تىزىمىنە ەنگىزىلگەن تاريحي-مادەني مۇرا وبەكتىلەرىنىڭ (بۇدان ءارى – تاريحي-مادەني مۇرا وبەكتىلەرى) قورعالۋىن قامتاماسىز ەتۋ ماقساتىندا قورعاۋ ايماقتارى, قۇرىلىس سالۋدى رەتتەۋ ايماقتارى جانە قورعالاتىن تابيعات لاندشافتى ايماقتارى بەلگىلەنەدى.2. تاريحي-مادەني مۇرا وبەكتىسىنىڭ قورعاۋ ايماعىن ايقىنداۋدىڭ ءتارتىبى
3. تاريحي-مادەني مۇرا وبەكتىسىنىڭ قورعاۋ ايماعىنىڭ شەكاراسىن ءتيىستى جەرگىلىكتى اتقارۋشى ورگاننىڭ ۇسىنۋى بويىنشا وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى وكىلدى ورگاندارى بەكىتەدى. 4. ساۋلەت جانە قالا قۇرىلىسى ەسكەرتكىشى جەردەن ونىڭ ەڭ بيىك نۇكتەسىنە دەيىنگى اراقاشىقتىق كولەمىنە تەڭ, بىراق 20 مەتردەن كەم بولمايتىن قورعاۋ ايماعىمەن قورشالادى. 5. ارحەولوگيالىق ەسكەرتكىش ونىڭ شەكاراسىنان, توپتالعان ەسكەرتكىشتەردە – شەتكى ورنالاسقان وبەكتىنىڭ سىرتقى شەكاراسىنان 50 مەتر بولاتىن قورعاۋ ايماعىمەن قورشالادى. كوزبەن شولۋ قامتاماسىز ەتىلۋگە ءتيىس ارحەولوگيا ەسكەرتكىشى ءۇشىن قورعاۋ ايماعىنىڭ راديۋسى ونىڭ ورتاسىنان 200 مەترگە تەڭ بولۋعا ءتيىس. 6. تاريحي-مادەني مۇرا وبەكتىسىنىڭ اينالاسىنداعى قورعاۋ ايماعى قورعاۋ بەلگىلەرىمەن نەمەسە جىرتىلعان جەرمەن نەمەسە قورشاۋلارمەن نە ولاردىڭ شەكارا سىزىقتارىنىڭ بويىنا بۇتالار وتىرعىزۋ ارقىلى بەلگىلەنەدى. تاريحي-مادەني مۇرا وبەكتىلەرىنىڭ ءتورت جاعىنان وبەكتىنىڭ اتاۋى, ونىڭ قورعاۋ ايماعىنىڭ اۋدانى كورسەتىلگەن قورعاۋ بەلگىلەرى ورناتىلادى. 7. تاريحي-مادەني مۇرا وبەكتىلەرىنىڭ قورعاۋ ايماعى ءتيىستى جەردىڭ تاريح جانە مادەنيەت ەسكەرتكىشتەرى مەن جاڭادان انىقتالعان تاريحي-مادەني مۇرا وبەكتىلەرىنىڭ ورنالاسۋى تىركەلەتىن تاريحي-ساۋلەت تىرەك جوسپارىنا جانە كارتا-سحەماسىنا ەنگىزىلەدى. 3. تاريحي-مادەني مۇرا وبەكتىسىنىڭ قۇرىلىس سالۋدى رەتتەۋ ايماعىن جانە قورعالاتىن تابيعي لاندشافت ايماعىن ايقىنداۋدىڭ ءتارتىبى 8. تاريحي-مادەني مۇرا وبەكتىلەرىنىڭ قۇرىلىس سالۋدى رەتتەۋ ايماعى مەن قورعالاتىن تابيعي لاندشافت ايماعىنىڭ شەكارالارىن ءتيىستى جەرگىلىكتى اتقارۋشى ورگانداردىڭ ۇسىنۋى بويىنشا وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى وكىلدى ورگاندارى بەكىتەدى. 9. تاريحي-مادەني مۇرا وبەكتىسىنىڭ قۇرىلىس سالۋدى رەتتەۋ ايماعى قورعاۋ ايماقتارىنىڭ كولەمىنە ەكى ەسە تەڭ مولشەردە بەكىتىلەدى. قۇرىلىس سالۋدى رەتتەۋ ايماعى قورعاۋ ايماعىنىڭ شەتىنەن باستاپ ولشەنەدى. 10. تاريحي-مادەني مۇرا وبەكتىسىنىڭ قورعالاتىن تابيعي لاندشافت ايماعىنىڭ كولەمى قۇرىلىس سالۋدى رەتتەۋ ايماعىنا تەڭ مولشەردە بەلگىلەنەدى. قورعالاتىن تابيعي لاندشافت ايماعى قۇرىلىس سالۋدى رەتتەۋ ايماعىنىڭ شەتىنەن باستاپ ولشەنەدى. 11. تاريحي-مادەني مۇرا وبەكتىسىنىڭ قۇرىلىس سالۋدى رەتتەۋ ايماعى جانە قورعالاتىن تابيعي لاندشافت ايماعى ءتيىستى جەردىڭ تاريح جانە مادەنيەت ەسكەرتكىشتەرى مەن جاڭادان انىقتالعان تاريحي-مادەني مۇرا وبەكتىلەرىنىڭ ورنالاسۋى تىركەلەتىن تاريحي-ساۋلەت تىرەك جوسپارىنا جانە كارتا-سحەماسىنا ەنگىزىلەدى. 4. تاريحي-مادەني مۇرا وبەكتىسىنىڭ قورعاۋ ايماعىن, قۇرىلىس سالۋدى رەتتەۋ ايماعىن جانە قورعالاتىن تابيعي لاندشافت ايماعىن پايدالانۋ رەجيمى 12. قورعاۋ ايماعى: تاريحي-مادەني مۇرا وبەكتىلەرى جانە ونىڭ اۋماعىنا جاپسارلاس تاريحي قالىپتاسقان ورتانىڭ ساقتالۋىن قامتاماسىز ەتۋ ءۇشىن; تاريحي-مادەني مۇرا وبەكتىسىنىڭ تاريحي, عىلىمي, كوركەمدىك نەمەسە وزگە دە مادەني قۇندىلىقتارىن انىقتاۋعا ىقپال ەتەتىن جاعداي جاساۋ ءۇشىن بەلگىلەنەدى. قورعاۋ ايماعىنىڭ اۋماعىندا تاريحي-مادەني مۇرا وبەكتىسىنىڭ ساقتالۋىنا, ونىڭ تاريحي-مادەني قابىلدانۋىنا تەرىس اسەرىن تيگىزەتىن جۇمىستار جۇرگىزىلمەيدى. 13. قۇرىلىس سالۋدى رەتتەۋ ايماعى تاريحي-مادەني مۇرا وبەكتىلەرىنىڭ قالالاردى, ەلدى مەكەندەردى, تابيعات كورىنىستەرىن جوسپارلاۋدىڭ جانە سالۋدىڭ تاريحي قالىپتاسقان جۇيەسىندەگى كەڭىستىكتىك, كومپوزيتسيالىق ءرولىن ساقتاۋ ءۇشىن, تاريحي-مادەني مۇرا وبەكتىلەرىنىڭ قازىرگى زامانعى قالا قۇرىلىسى نەمەسە تابيعي ورتامەن ۇيلەسىمدىلىگىن قامتاماسىز ەتۋ ءۇشىن بەلگىلەنەدى. قالالاردى جانە باسقا دا ەلدى مەكەندەردى جوسپارلاۋ, سالۋ جانە قايتا قۇرۋ جوبالارىن ازىرلەۋ جانە بەكىتۋ كەزىندە وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگىلىكتى اتقارۋشى ورگاندارى تاريحي-مادەني مۇرا وبەكتىلەرىن قورعاۋ جانە پايدالانۋ جونىندەگى ۋاكىلەتتى ورگانمەن كەلىسە وتىرىپ, بارلىق ساناتتاعى تاريح جانە مادەنيەت ەسكەرتكىشتەرىن انىقتاۋ, زەردەلەۋ, ساقتاۋ جونىندەگى ءىس-شارالاردىڭ ورىندالۋىن, تاريحي-ساۋلەت تىرەك جوسپارلارىن جانە كارتا-سحەمالاردى جاساۋدى قامتاماسىز ەتەدى. 14. قورعالاتىن تابيعي لاندشافت ايماعى تاريحي, ساۋلەت-كوركەمدىك نەمەسە وزگە دە مادەني قۇندىلىعى بار تابيعي جانە جاساندى لاندشافتاردىڭ, باۋلاردىڭ, ساياباقتاردىڭ ساقتالۋىن قامتاماسىز ەتۋ ءۇشىن بەلگىلەنەدى. قورعالاتىن تابيعات لاندشافت ايماعىنىڭ اۋماعىندا لاندشافتىڭ, سۋمەن قامتۋ جۇيەسىنىڭ, وسىمدىكتەردىڭ جانە باسقا دا ايماق رەجيمىندە كوزدەلگەن ەلەمەنتتەردىڭ سيپاتىن وزگەرتپەيتىن قىزمەتكە رۇقسات ەتىلەدى.