كەشە اقوردادا مەملەكەت باسشىسى نۇرسۇلتان نازارباەۆ ۋكراينا پرەمەر-ءمينيسترى نيكولاي ازاروۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا ەكىجاقتى قارىم-قاتىناستاردىڭ كەڭ كولەمدى ماسەلەلەرى, اتاپ ايتقاندا, ينۆەستيتسيا جانە ساۋدا-قارجى سالاسىنداعى ىنتىماقتاستىق جايى تالقىلاندى. بيىلعى جىلدىڭ 10 ايىندا ەكى ەلدىڭ اراسىنداعى ساۋدا اينالىمى 70 پايىزعا ءوسىپ, 2,5 ملرد. اقش دوللارىن قۇرادى. قازاقستان ۋكراينانىڭ رەسەي فەدەراتسياسىنان كەيىنگى ءىرى ساۋدا سەرىكتەسى بولىپ تابىلادى.
ۋكراينا پرەمەر-ءمينيسترى قازاقستاننىڭ ەلورداسى – استانانىڭ ارحيتەكتۋرالىق جانە دامۋ قارقىنىنا ءوز تاڭدانىسىن ءبىلدىردى.
-----------------------------------------
سۋرەتتى تۇسىرگەندەر س.بوندارەنكو, ب.وتارباەۆ.