ۇيالادى جۇرەگىنە ۇلتىمنىڭ!

ەي, جولاۋشى, ءسال ايالداپ توقتاشى, جەر – دوڭگەلەك, جولدارىنىڭ جوق باسى, ەلتاڭبانىڭ ەڭ نەگىزى – شاڭىراق, مەملەكەتتىڭ ءتۇپ نەگىزى – وتباسى!   تاۋەلسىز بوپ اتتى تاڭىم, كۇن بۇگىن, ارقالاماس ازاماتتىق كىم جۇگىن؟! كۇن شەڭبەرى قوزعالىستا ماڭگىلىك, تۇلپار دالا – سايگ ۇلىگىم, ءدۇلد ۇلىم!   ءبىز كەلەمىز بابام سالعان وتتى ىزبەن, سويلەسەدى, ءتاڭىر قولداپ, كوك بىزبەن, تۇلپار جۇيرىك قاناتىندا – ارمانىم, اسىل مۇرات – بوستاندىققا جەتكىزگەن! ەل-جۇرتىممەن العا مەن دە ۇمتىلدىم, بۇل كەۋدەمە تالاي بۇلت بوپ مۇڭ تۇندىڭ. ۋاقىت پەنەن كەڭىستىگىم تۇتاسىپ, ۇيالادى جۇرەگىنە ۇلتىمنىڭ!   كەلەر كۇنگە امانات قىپ كەتەلىك, ءبىر اۋىز بوپ بىرگە بىزدەر جەتەلىك. جۇلدىز بولىپ ءتاجى قوندى حالقىما, بوستاندىقتى الاتاۋداي كوتەرىپ!   تۋار ءالى كۇندەرىم بار الدىمدا, جۇلدىزدى اسپان, ايمەن جارىق جاندىڭ دا. قاستەرلەيتىن ءبىر پارىزىم – ەلتاڭبام, قاسيەتتى قازاق ەلى بار مۇندا!   كەلە جاتقان بابام كورگەن سول تاڭنان, تۋدى بىرگە قارا شاڭىراق ورتامنان. پەرزەنتىڭ بوپ مەن الدىڭدا باس يەم, كيەلى ەلىم, قاسيەتتى ەلتاڭبام! ءشومىشباي ساريەۆ, قازاقستاننىڭ ەڭبەك سىڭىرگەن قايراتكەرى.