ءبىرجان ەلىنىڭ بايراعى بيىكتەدى

2014 جىلعى جەلتوقساننان باستاپ اقمولا وبلىسىنىڭ ەڭبەكشىلدەر اۋدانى ءبىرجان سال ەسىمىمەن اتالۋ مارتەبەسىنە يە بولدى. بۇل كوكشە جۇرتشىلىعىن عانا ەمەس, ءدۇيىم جۇرتتىڭ كوكەيىندە جۇرگەن ءافسانا ارماننىڭ جۇزەگە اسقاندىعىن ايعاقتايتىن ماڭىزدى قۇجات سانالادى. ەلىمىزدى يگى سىلكىنىستەرگە باستاعان «رۋحاني جاڭعىرۋ» باعدارلاماسىنىڭ ناقتى جەمىسى اۋدان تۇرعىندارىن الاقاي جەلپىنىسكە ءتۇسىردى. 

وسى ورايدا, ەل تىلەگىنىڭ ورىندالۋىنا باس باسىلىم «ەگەمەن قازاقستاننىڭ» جارشى بولعاندىعىن دا اتاي كەتكەن لازىم. تاۋەلسىزدىكتىڭ ال­عاشقى جىلدارىنان باس­تاپ گازەت بەتىندە اۋدان اتاۋىنا قاتىستى ماسەلەلەر ۇز­بەي جاريالانىپ كەلدى. ەل­با­سىنىڭ وڭىرگە ساپارى بارىسىندا اۋدانعا ارنايى ات باسىن بۇرىپ, ءبىرجان سالدىڭ مەموريالدىق كەشەنىندە اقىن ەسىمىن اۋدانعا بەرۋ تۋرالى اڭگىمە قوزعالعانى گازەت وقىر­ماندارىنىڭ ەسىندە. بۇل 1995 جىلدىڭ جايماشۋاق كوك­تەمى ەدى. كوپ ۇزاماي «ەگەمەن قازاقستاننىڭ» بەتىندە رەداكتسيا القاسىنىڭ مۇشەسى, بەلگىلى جۋرناليست ءادىل دۇي­سەنبەكتىڭ ء«بىرجان اتى سۇرا­نىپ تۇر» دەگەن ماقالاسى جا­رىق كوردى. وسىعان بايلانىستى وقىرماندارداردىڭ وي-تولعامدارى ء«بىرجان ەلىن بيىكتەن ىزدەڭىزدەر» اتتى توپتامامەن بەرىلىپ تۇردى. پى­كىر الۋاندىعىنىڭ ءبىر پاراسى رەتىندە «ەڭبەكشىلدەر» اتاۋىنىڭ ءوزى ءسوز قۇراۋ تىر­كەسىمىزگە قابىسپايتىندىعى تىلگە تيەك ەتىلگەندىگىن اتاي كەتسەك دەيمىز.

باس باسىلىمنىڭ جۇرت­شى­لىقپەن جۇزدەسىپ, كوشپەلى ماجىلىستەر قۇراتىن يگى ءداس­تۇرى بار. جىل سايىن­عى كەزدە­س­ۋلەردى بىلاي قوي­عاندا, 2014 جىلى گازەت­تىڭ 95 جىلدىعىنا بايلانىس­تى «ەگەمەن قازاق­ستان­نىڭ» ءبىرجان ەلىندەگى كۇن­دەرى وتكى­زىلدى. ساپارناما جاريا­لانى­مىندا اۋدانعا ءبىر­جان سال اتى بەرىلۋى باستى تاقى­رىپ رەتىن­دە كوتەرىلگەنى جۇرت­شى­لىق كوڭىلىنەن شىقتى. بىتە قاي­ناسقان ىنتىماقتى باي­لانىس جالعاسا تۇسۋدە.

ەلباسىنىڭ «رۋحاني جاڭ­عىرۋ» باعدارلاماسىنىڭ شاراپاتى كوكشە جۇرتىن بۇعان دەيىن دە قۋانىشقا بولەگەن. بيىل وڭىردەگى تاڭداۋلى ءتالىم وردالارى بالۋان شولاق, ۇكىلى ىبىراي, اقان سەرى اتاۋلارىنا يە بولدى.

باقبەرگەن امالبەك,

«ەگەمەن قازاقستان» گازەتىنىڭ ارداگەرى, قازاقستان رەسپۋبليكاسى ءباسپاسوز سالاسىنىڭ ۇزدىگى

اقمولا وبلىسى