يننوۆاتسيالىق كاسىپورىندا جاڭا ونىمدەر قاتارى مولايا تۇسۋدە

قازاقستاننىڭ قارۋلى كۇش­­تەرى مەن باسقا دا ۆەدوم­ستۆو­لارىن قاجەتتى وپتيكالىق قۇرال­دارمەن قامتاماسىز ەتۋ, سونداي-اق تەحنيكالىق جانە سەرۆيستىك قىزمەت كور­سەتۋ ماقساتىن كوز­دەيتىن كاسىپ­ورىندا اۋەل باستان-اق تۇنگى كورۋ قۇرالدارىن – مو­نو­كۋليار مەن بينوكۋليارلار, جىلۋلىق شولۋ اسپاپتا­رىن, كۇندىزگى كورۋ مەن بار­لاۋ قۇرالدارىن, جەر بە­تىندەگى نىسانالارعا جارىق تۇ­سىرەتىن لازەرلى نىسانا كور­سەت­كىش ءپورتاتيۆتى كەشەندەر, قاشىقتان باسقارىلاتىن تۇراق­تى جاۋىنگەرلىك مودۋلدەر شىعارۋ, ەلەكتروندى پلاتتاردى قۇراستىرۋ جانە يك-لينزالار ءوندىرۋ قول­عا الىندى. زاۋىت سون­داي-اق بروندى تەحنيكانى ەلەكتروندى-وپتيكالىق جۇيە­­لەرى جاعىنان, اۋە كەمە­لەرىن اۆيو­نيكا جاعىنان جاڭعىرتۋ ءىسىن باقىلاۋدى دا جۇزەگە اسىرادى.

وسىنداي جوبانىڭ جۇزەگە اسىرىلۋىن ءومىردىڭ ءوزى تالاپ ەتتى. ويتكەنى قارۋلى كۇش­تەردى جاراقتانۋىنداعى تەح­نيكانىڭ باسىم بولىگى نەگى­زىنەن ەسكىرگەن ۇلگىلەر بولىپ كەلدى. سوندىقتان كوپ ۇزا­ماي-اق جەر بەتىندەگى جانە اۋەدەگى قۇرىش قالقان پلات­فورمالاردى جاڭعىرتۋ مەن جاڭارتۋ اسا كوكەيكەستى ماسە­لە بولارى, ۋاقىت وتكەن سايىن تانكتەر, برونەترانسپورتەرلەر, تىكۇشاقتار جۇيە­لەرىنە كۇتىم جا­ساۋ قيىنعا سوعارى انىق ەدى. ونىڭ ۇستىنە, زامان تالابىنا سايكەس ەسكى اتىس پلاتفور­ما­لارىن باسقارۋ مەن شولۋدى تۇگەلدەي تسيفرلى جۇيەگە كوشى­رۋ مىندەتتىلىككە اينالدى. قا­زىرگى كۇنى كاسىپورىن وسى ولقى­لىق­تاردىڭ ورنىن تولتىرۋدا.

كومپانيا 2011 جىلدىڭ جەلتوقسانىندا «استانا – جاڭا قالا» اەا-نىڭ قاتى­سۋشىسى رەتىندە تىركەلىپ, وسى رەتتەگى بىرقاتار سالىقتىق جا­نە كەدەندىك جەڭىلدىكتەر مەن ينۆەستيتسيالىق پرەفە­رەنيالارعا يە بولدى.

جاڭا تۇرپاتتى زاۋىتتىڭ قۇرى­لىسىنا ەكى جىلداي ۋاقىت كەتىپ, ول 2013 جىل­دىڭ جەل­توق­سانىندا ەكى ەل­دىڭ قورعانىس ۆەدومستۆولارى وكىلدەرىنىڭ قاتىسۋىمەن رەسمي تۇردە اشىلدى. سو­دان توعىز كۇن وتكەندە كاسىپ­ورىن­عا مەملەكەت باسشىسى نۇرسۇلتان نازارباەۆ كە­لىپ, بار جاعدايىن كوزبەن كو­رىپ, مۇقيات تانىسىپ, قازا­ق­­ستاندا ءدال وسىنداي جوعارى تەحنولو­گيالى ءوندىرىس قۇرى­لۋىنىڭ ماڭىزدىلىعىن اتاپ كورسەتتى.

ءبىر ايتا كەتەتىن جايت, ۋاع­دا­لاستىق اياسىن­دا تۇر­كيالىق ارىپ­تەس «اسەلسان» كومپانيا­سى زاۋىت­تىڭ قۇرىلىپ, اياعى­نان تىك تۇرىپ كەتۋى ءۇشىن قاجەتتى تەح­نيكالىق قۇجات­تامالاردى, قازاق­ستان­نىڭ قورعانىس-ونەر­كاسىپتىك كە­شەنى ونىمدەرىنىڭ قۇ­رامداس بو­لىگى بولىپ تابىلاتىن ەلەك­تروندى-وپتيكالىق قۇ­رالدار, ەلەكتروندى پلاتتار مەن لينزالار ءوندىرىسى ءۇشىن ماتەريالدار مەن تەح­نولوگيالىق جاب­دىقتار بەردى. سونداي-اق قا­زاق­ستان­دىق قىزمەتكەر ما­مان­داردى «اسەلسان» كومپا­نيا­سىنىڭ, ەو مەن اقش دايىن­داۋشى زاۋىتتارىنىڭ ون­دى­رىستىك قۋاتتارىندا تاعى­لىم­داما تاجىريبەلەردەن وتكىزدى.

ەكى مەملەكەت باسشى­لا­رىنىڭ شەشىمىمەن اشىل­عان زاۋىتتىڭ بۇگىن تاڭداعى حال-جايى كوڭىل قۋان­تارلىقتاي. بۇل جاي عانا تۇنگى كورۋ قۇ­رالدارىن شىعا­راتىن كاسىپ­ورىن ەمەس. «KAE» بۇ­رىن قا­­زاقستان اۋماعىندا با­لا­­ماسى بولىپ كورمەگەن, ەلەك­­تروندى-وپتيكالىق ونىم­­دەر وندىرەتىن دارا كوم­پانيا. سون­دىقتان ونى يننوۆاتسيالىق كاسىپ­ورىن رەتىندە سەنىممەن اتاۋ­عا بولادى. ءوزى جۇمىس ىس­تەپ كەلە جاتقان ءتورت جىلدا 15-تەن استام جاڭا ءونىم شى­عارۋعا قول جەتكىزىپ وتىر. بۇل جاع­داي كاسىپورىن بۇگىننىڭ وزىن­دە ءوندىرىس تەحنولوگياسىنىڭ تو­لىق­قاندى ترانسفەرتىن جۇ­زە­گە اسىرعانىن, مامانداردى كاسىپكە ابدەن باۋلىپ ۇيرەت­كەنىن, سونداي-اق وسى نومەن­كلاتۋراداعى وندىرىسكە قاجەتتى قۇرال-جابدىقتاردى ساتىپ الىپ, ورناتىپ قانا قويماي, ولار­­دى جوعارى دارەجەدە تولىق­­تاي يگەرىپ, مەڭگەرگەنىن بىل­­دىرەدى.

ءوندىرىس اۋماعىندا بۇ­گىن تاڭدا 100-گە تارتا ادام ەڭبەك ەتۋدە. ولاردىڭ 15-ءسى شەتەلدىك تەحنيكالىق جو­عا­رى وقۋ ورىن­دارىندا, سونىڭ ىشىندە «بولاشاق» باعدار­لاماسى بويىنشا وقىپ ءبىلىم العاندار. سونداي-اق مۇندا قازاقستان ۇكىمەتى قولعا العان دۋالدى وقى­تۋ تاجىريبەسىن يگەرۋ ناتي­جەسىندە رەسپۋبليكانىڭ كاسى­بي كوللەدجدەرىنەن كەلىپ جۇمىس ىستەپ ءارى وقىپ جاتقان جاستار دا بار.

سونىمەن قاتار كاسىپ­ورىندا نازارباەۆ ۋنيۆەر­سيتەتىنىڭ 15 ستۋدەنتى, تۇر­كيا­­­نىڭ, قىتاي­دىڭ, رەسەي­دىڭ تەحنيكالىق ۋني­­ۆەر­سي­تەت­­تەرىندە وقىپ جات­­قان قا­زاق­­ستاندىق ستۋدەنت جاس­تار­دىڭ وندىرىستىك تا­عى­لىم­­دا­ما­دان ءوتۋى دە جولعا قويى­لىپ وتىر. مۇنىڭ سىرتىندا كا­سىپ­ورىننىڭ 25-تەن اس­تام قىز­مەت­كەرى تۇركيادا, ۆەن­گريا­دا, سين­­گاپۋردا, مالاي­زيادا, رە­سەيدە, گوللان­ديا­دا وندىرىسكە قا­جەتتى ما­مان­دىقتار بويىنشا ءبىلىم-بىلىك­تەرىن جەتىلدىرىپ, ءتيىس­­تى سەرتيفيكاتتار الىپ كەل­­دى.

ەلەكتروندى-وپتيكالىق قۇ­­رالداردى جيناپ قۇراستىرۋ قا­زاق ەلى ءۇشىن جاڭا سالا بول­­عاندىقتان تۇركيالىق سەرىكتەس «اسەلسان» ەۋرو­پا­نىڭ, امەري­كانىڭ ستان­دارت­تارىنا ساي جاڭا تەحنو­لوگيا اكەلگەنىن تىلگە تيەك ەتسەك ورىندى بولار. وسى ورايدا زاۋىتقا 50-دەن استام قىمبات تۇراتىن بىرەگەي جابدىقتار اكە­لىنىپ ورناتىلدى, ولاردا جۇ­مىس ىس­تەيتىن ماماندار ۇيرە­تىلدى. «KAE» كومپانياسىندا الەم­­دىك تاجىريبە ىقپالىمەن ءون­­دىرىس مادەنيەتىنە قاتتى كوڭىل بولىنۋدە.

كومپانيادا جاقسى ۇردىس­تەردىڭ كەڭ قانات جايۋىن قور­عا­نىس جانە اەروعارىش ونەر­كاسىبى ءمينيسترى بەيبىت اتام­قۇلوۆ ءوز نازارىندا ۇس­تاۋدا.

كومپانيا كەلەشەكتە ءوز ەلىمىزدىڭ اياسىندا عانا قالىپ قويماي, كەڭ ورىس­­تەرگە شىعۋدى كوزدەيدى. سەبە­بى كوپتەگەن شەت­ەلدىك كاسىپ­ورىندار زاۋىتتىڭ كەي­­بىر ونىمدەرىنە قازىردىڭ وزىندە قىزىعۋشىلىق تانى­تۋدا. سولاردىڭ ىشىندە 5 كاسىپ­ورىنمەن يك-لين­زا­لاردى ساتۋ جونىندە كەلىس­سوزدەر جۇر­گى­زىلۋدە.

ەلباسى كاسىپورىنعا العاش كەلگەن كەزدە كومپانيا باسشى­لارى ەكى نارسە سۇراپتى: ء«بىرىن­شىسى, بىزگە سەنىڭىز, ەكىنشىسى, سول سەنىمدى اقتاۋ ءۇشىن بىزگە مۇم­كىندىك بەرىڭىز» دەگەن ەكەن. مەم­لەكەت باسشىسى سوندا وسى ەكى ءوتىنىشتى قابىل الىپتى. سودان بەرى وتكەن ءتورت جىل «قازاقستان اسەل­سان ينجينيرينگ» كومپانيا­سى ۇجىمىنىڭ سول مارتەبەلى سەنىمدى اقتاپ كەلە جات­قانىن ايعاقتاپ وتىر.

سۇڭعات ءالىپباي, «ەگەمەن قازاقستان»