استانا پروتسەسى اياسىندا سيريا ماسەلەسى بويىنشا كەزەكتى حالىقارالىق كەزدەسۋ 21-22 جەلتوقسان كۇندەرى وتەدى, دەپ حابارلايدى سىرتقى ىستەر مينيسترلىگىنىڭ ءباسپاسوز قىزمەتى.
حابارلانعانداي, الداعى كەلىسسوزدەر بارىسىندا تاراپتار تۇتقىنعا الىنعانداردى بوساتۋ, قازا بولعانداردىڭ دەنەلەرىن بەرۋ جانە ءىز-ءتۇزسىز جوعالعانداردى ىزدەستىرۋ بويىنشا جۇمىس توبىنىڭ ەرەجەسىن قابىلداۋدى جوسپارلاۋدا. قاتىسۋشىلار سونداي-اق دەەسكالاتسيا اۋماقتارىنىڭ جۇمىس ىستەۋ ماسەلەلەرىن تالقىلاپ, يۋنەسكو نىساندارىن قوسا العاندا سيرياداعى گۋمانيتارلىق ميناسىزداندىرۋ تۋرالى بىرلەسكەن مالىمدەمەنى بەكىتۋدى كوزدەپ وتىر.
كەلىسسوزدەردىڭ قازان ايىندا وتكەن جەتىنشى راۋندىنىڭ ناتيجەسى بويىنشا كەپىلگەر-ەلدەر بىرلەسكەن مالىمدەمە قابىلداعان بولاتىن. وندا ۇستالعان تۇلعالاردى بوساتۋدى قوسا العاندا, ساياسي پروتسەسس ءۇشىن جاقسى جاعدايلار تۋعىزۋ جانە اتىستى توقتاتۋ ماقساتىندا جانجالداسۋشى تاراپتارعا سەنىمدى نىعايتۋ بويىنشا شارالاردى قابىلداۋ قاجەتتىگى اتاپ وتىلگەن. سونداي-اق تاراپتار دەەسكالاتسيا اۋماقتارىنىڭ جۇمىسى ناتيجەسىندە حالىقارالىق تەرروريزممەن كۇرەستە ىلگەرىلەۋ بارىن اتاپ ءوتىپ, جەنەۆا پروتسەسىنە سايكەس بۇۇ قامقورلىعىمەن ۇلتتىق ديالوگ كونگرەسىن شاقىرۋ تۋرالى ۇسىنىستى تالقىلاۋعا ۋاعدالاستى.