16 جەلتوقسان - تاۋەلسىزدىك مەرەكەسى كۇنى استانادا قوعامدىق كولىگىمەن ءجۇرۋ تەگىن بولادى. بۇل تۋرالى بۇگىن ەلوردا اكىمدىگى اپپاراتىنىڭ كەزەكتى وتىرىسىندا ءمالىم بولدى, دەپ حابارلايدى اكىمدىكتىڭ مەديا ورتالىعى.
استانا قالالىق جولاۋشىلار كولىگى باسقارماسىنىڭ باسشىسى بەكمىرزا يگەنبەردينوۆ الداعى ۋاقىتتا كەيبىر اۆتوبۋستاردىڭ قوزعالىس باعىتتارى وزگەرەتىنىن اتاپ ءوتتى. سونىمەن قاتار ول 16 جەلتوقساندا تاۋەلسىزدىك كۇنىنىڭ قۇرمەتىنە ەلوردا تۇرعىندارى مەن قوناقتارى قوعامدىق كولىكتەرمەن تەگىن جۇرەتىنىن حابارلادى. سونداي-اق كەڭەس بارىسىندا ساۋلەت جانە قالا قۇرىلىسى باسقارماسىنىڭ باسشىسى باقتىباي تايتاليەۆ قالا كوشەلەرىن تۇنگى مەزگىلدە جارىقتاندىرۋ مەن سىرتقى جارنامانى ورنالاستىراتىن ورىن رەتىندە عيماراتتار مەن ۇيلەردىڭ توبەلەرىن پايدالانۋدى ۇسىندى. ونىڭ ايتۋىنشا, ارحيتەكتۋرالىق جارىقتاندىرۋدىڭ بىرىڭعاي ورتالىعىن قۇرۋ قاجەت جانە ول قاشىقتان باسقارىلۋى ءتيىس.
بۇدان بولەك, استانا اكىمى اسەت يسەكەشەۆكە قالا كوشەلەرىن قاردان تازالاۋ شارالارى مەن جىلىتۋ ماۋسىمىنىڭ بارىسى, ءمجا, سمارت-سيتي جوبالارىنىڭ جۇزەگە اسۋى, جانار-جاعار ماي مەن كومىر نارىعىنداعى قازىرگى جاعداي, «سەرگەك» بەينە-باقىلاۋ كامەرالارىنىڭ جۇمىسى, بيۋدجەت قاراجاتىنىڭ يگەرىلۋى جانە نىسانداردى تۋرالى باياندالدى.
ءوز كەزەگىندە, استانا قالاسى ءىىد اكىمشىلىك پوليتسيا باسقارماسىنىڭ باسشىسى سابىر ءجۇسىپوۆ ەلورداداعى كريمينوگەندىك جاعدايدىڭ تۇراقتى ەكەندىگىن جەتكىزدى. «قالاداعى جالپى جاعداي تۇراقتى. وتكەن اپتادا اكىمشىلىك جاۋاپكەرشىلىككە 157 شەتەلدىك, 13 قر-نىڭ ازاماتى تارتىلدى. ەلدەن 30 شەتەلدىك ازامات شىعارىلدى.
قابىلداۋ-تاراتۋ ورنىنا 20 شەتەلدىك قامالدى. 101 جۇرگىزۋشى ۆus Lane جولاعىمەن جۇرگەنى ءۇشىن ايىپپۇل تولەۋگە كەسىلسە, قوعامدىق كولىكتىڭ 18 جۇرگىزۋشىسى مەن 1 تاكسي جۇرگىزۋشىسى جولدا ءجۇرۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلدى», - دەپ مالىمدەدى سابىر ءجۇسىپوۆ. وتىرىس بارىسىندا, سونداي-اق الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى دا ءسوز بولدى. استانا قالاسى اۋىل شارۋاشىلىعى باسقارماسى باسشىسىنىڭ مىندەتىن اتقارۋشى گۇلميرا ەرمولدينا ءمالىم ەتكەندەي, تۇراقتاندىرۋ قورىنا قانتتىڭ 1500 تونناسى, كۇرىش پەن قاراقۇمىق جارماسىنىڭ 500 تونناسى جانە كارتوپتىڭ 300 تونناسى ساتىپ الىندى.