سەمەيدە الداعى جىلى «مەنىڭ اۋلام» اتتى ارنايى باعدارلاما ىسكە قوسىلادى.
سەمەي قالاسىنىڭ اكىمى ەرماك ءسالىموۆتىڭ ايتۋىنشا, 2018 جىلى قالاداعى كوپ قاباتتى ۇيلەردىڭ كىرەبەرىس جەرلەرىن, اۋلالاردى جوندەۋ ءۇشىن قالالىق بيۋدجەتتەن 61 ميلليون تەڭگە قاراستىرىلعان. بۇل قاراجات 50-گە تارتا اۋلانى تولىق اباتتاندىرۋعا جەتەدى. قالادا جالپى 600-گە جۋىق اۋلا بار ەكەن. تۇرعىن ءۇي-كوممۋنالدىق شارۋاشىلىق ءبولىمى ازىرشە 120 اۋلانى جوندەۋگە وراي جوبا-سمەتالىق قۇجاتتاردى ازىرلەپ قويدى. ەڭ الدىمەن اۋلالارعا قاراستى تۇرعىن ۇيلەردىڭ كوممۋنالدىق قارىزدارىنىڭ بولماۋىنا تالاپ قويىلادى. ياعني اۋلانى كورىكتى عىپ ۇستايمىن دەگەندەر جىلۋ مەن جارىققا, سۋعا قارىز بولماۋى قاجەت.
راۋشان نۇعمانبەك
سەمەي