سەناتور – كوميسسيا توراعاسى

تاياۋدا وتكەن ۇقشۇ پارلامەنتتىك اسسامبلەياسى ساياسي ماسەلەلەر جانە الەۋمەتتىك-مادەني تۇراقتى كوميسسياسىنىڭ وتىرىسىندا ۇقشۇ-عا مۇشە مەملەكەتتەردىڭ حالىقارالىق كەلىسىمدەر مەن شارتتارىن جۇزەگە اسىرۋ, بىتىمگەرشىلىك سالا­سىن­داعى قىزمەتىن نورماتيۆتىك قامتاماسىز ەتۋ ماسەلەلەرى تالقىلاندى, دەپ حابارلادى سەناتتىڭ ءباسپاسوز قىزمەتى. سانكت-پەتەربۋرگتە كەشە بولعان شاراعا سەناتتىڭ الەۋ­مەتتىك-مادەني دامۋ كومي­تە­تى­نىڭ توراعاسى اقان بيجانوۆ باس­تاعان پارلامەنت دەپۋتات­تا­رى قاتىستى. دەپۋتاتتار قا­زاق­ستان رەسپۋبليكاسى پارلامەنتى سەناتىنىڭ تاياۋداعى سايلاۋ قورىتىندىلارىنا, ۇقشۇ-عا مۇشە مەملەكەتتەر باسشى­لارى­نىڭ بيىلعى تامىزداعى استانا قالاسىنداعى بەيرەسمي ءسامميتى شەشىمدەرىن زاڭنا­مالىق تۇرعىدا قامتاماسىز ەتۋ ماسەلەلەرىنە نازار اۋداردى. وتىرىستا ا.بيجانوۆ ۇقشۇ پارلامەنتتىك اسسامبلەياسى ساياسي ماسەلەلەر جانە الەۋ­مەت­تىك-مادەني تۇراقتى كو­ميسسياسىنىڭ توراعاسى بولىپ سايلاندى. دەپۋتاتتار, سونداي-اق ۇقشۇ پا جۇمىس جوسپا­رى­نىڭ جو­باسىن, كوميسسيانىڭ كەزەكتى وتىرىسىن وتكىزۋ مەرزىمىن جانە باسقا دا ماسەلەلەردى تالقىلادى.