بەيبىتشىلىك – ورتاق قۇندىلىقتارىمىز

قازاقستان رەسپۋبليكاسى پارلامەنتى ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ حاتشىسى ۆيكتور روگالەۆ, كوميتەت مۇشەلەرى ءسات توقپاقباەۆ پەن ءۋاليحان قوڭىرباەۆ امەريكا قۇراما شتاتتارى قورعانىس مينيسترلىگىنىڭ «CAPSTONE» باعدارلاماسى دەلەگاتسياسىنىڭ مۇشەلەرىمەن كەزدەستى. كوميتەت حاتشىسى ۆيكتور روگالەۆ ءسوز باستاپ, ارىپتەستەرىمەن تانىستىردى. ەلىمىزدىڭ ەڭ جوعارعى زاڭ شىعارۋشى ورگانىنىڭ قابىرعا­سىن­دا اراعا جىل سالىپ داستۇرگە اينالعان ەكى­جاقتى ىنتىماقتاستىق تۋرالى پىكىر الماسىپ وتىرعاندىعىنا ريزاشىلىق ءبىلدىردى. قا­زاق­ستان رەسپۋبليكاسى تاۋەلسىزدىگىنىڭ 20 جىل­دى­عىن مەرەكەلەۋ قارساڭىنداعى دايىندىق با­رى­سىنان حاباردار ەتتى. «200 جىلدىق تاريحى بار اقش-تان الار تاجىريبەمىز بەن ۇيرە­نەرى­مىز كوپ», – دەدى دەپۋتات. بيىل ەلىمىز تاعى ءبىر اتاۋلى داتا – سەمەي يادرولىق سىناق پوليگونىنىڭ جابىلعانىنا 20 جىل تولعانىن اتاپ ءوتتى. سول كەزدە ءبىزدى ءبىرىنشى بولىپ قولداپ, يادرولىق سىناققا قارسى موراتوري جاريالاعان نەۆادا شتاتى بولدى. جاقىندا وسى تاريحي وقيعاعا بايلانىستى «يادروسىز الەم ءۇشىن» اتتى ۇلكەن فورۋم ءوتتى. وعان اقش-تان كونگرەسسمەندەر قاتىستى. اقش دەلەگاتسياسىنىڭ مۇشەسى ريچارد نيل قازاقستان تاۋەلسىزدىگىنىڭ 20 جىلدىعىمەن قۇتتىقتادى, دەپ حابارلادى ءماجىلىستىڭ ءباسپاسوز قىزمەتى. ----------------------------------------- سۋرەتتى تۇسىرگەن امانقۇل دۇيسەباەۆ.