ايماقتار: دەرەك پەن دايەك

الداعى جىلدىڭ سوڭىنا تامان كاسپي تەڭىزىنىڭ قازاقستان­دىق سەكتورىنان مول مۇنايدىڭ ال­عاشقى توننالارىن ءوندىرۋ باس­تالماق. سول كەزدە تەڭىز مۇنايىن اتىراۋ قالاسىنان شامامەن 30 شاقىرىمداي جەردە سالىنعان «بولاشاق» زاۋىتىندا ءتۇرلى قوس­پا­لاردان تازارتۋ قولعا الىنادى. سونىڭ ىشىندە مۇناي قۇرامىن­دا­عى كۇكىرت مولشەرىنىڭ مول بولا­تىن­دىعى دا مامانداردى ويلان­دى­رىپ وتىر. ماسەلەن, «ادجيپ قكو» كومپانياسىنىڭ جەر ءۇستى كەشەنىندەگى جوبالارى جونىندەگى مەنەدجەرى لۋكا ءموريدىڭ جەرگىلىكتى جۋرناليستەرگە ءمالىم ەتكەنىندەي, مۇناي قۇرامىنان بو­لىن­گەن كۇكىرت زاۋىت ماڭىندا جيناقتالماق. لۋكا ءموريدىڭ ايتۋىنشا, جي­ناقتالاتىن كۇكىرتتىڭ كولەمى 4 ميلليون توننانى قۇراماق. ال سول مول كۇكىرتتىڭ قورشاعان ورتا­عا اسەرى قانداي بولماق؟ اتىراۋدا تۇراتىندار دەنساۋلىعىنا زياندى ەمەس پە؟ ازىرگە بۇل جونىندە ماماندار ەشتەڭە ايتا قويعان جوق.

جولداسبەك شوپەعۇل. اتىراۋ وبلىسى.

109 000 جەلەزين اۋدانىنىڭ شارۋاشىلىقتارى بيىل وسىنشاما گەكتار القاپقا اۋىل شارۋاشىلىعى داقىلدارىن ەكتى

اۋداندىق اۋىل شارۋا­شى­لى­عى ءبولىمىنىڭ حابارىنا قاراعاندا, بيىل 110 شارۋاشىلىق, سونىڭ ىشىندە 14 سەرىكتەستىك, 96 شارۋا قو­جالىعى ەگىن سالىپتى. ياعني, بيداي 87,9 مىڭ گا, ارپا 9,1 مىڭ گا, س ۇلى 8,5 مىڭ گا, قاراقۇمىق 2,3 مىڭ گا, كۇزدىك قارا بيداي 0,63 مىڭ گا, بۇرشاق 0,3 مىڭ گا كولەمىندە بولعان. ال اقسۋداعى جولقۇدىق ەلەۆاتورىنا 15,1 مىڭ توننا بيداي مەن 793,78 توننا ارپا تاپسىرىلدى. سوڭعى جىلدارى العاشقى رەت «سامۇرىق» سەرىكتەستىگى 60 گا, «پاحار» سەرىكتەستىگى 8,2 گا ال­قاپ­تى سۋارمالى جەرگە اينال­دىر­دى. سونىمەن قاتار, اۋدان كو­لە­مىن­دە كۇنباعىس, قاراقۇمىق, كارتوپتان جىل سايىن مول ءونىم جي­نالادى. جالپى قۇنى 477,1 ميلليون تەڭگەگە 34 جاڭا تەحنيكا سا­تىپ الىندى. بۇل كۇندەرى اۋدان كو­لەمىندە 32 قايتا وڭدەۋ نىسان­دارى اشىلىپ, جۇمىس جاساۋدا. ولاردىڭ قاتارىندا 4 ديىرمەن, 13 ناۋبايحانا, 1 ءسۇت وڭدەۋ تسەحى, 2 شۇجىق تسەحى, ماكارون, جارما, تەرى تسەحتارىن اتاۋعا بولادى.

فاريدا بىقاي. پاۆلودار وبلىسى.

100 قاراعاندىداعى «سيليتسيۋم قازاقستان» جشس زاۋىتى شىعاراتىن كرەمنيدىڭ وسىنشا پايىزى ەكسپورتقا جونەلتىلەدى

ەلىمىزدە ءبىرىنشى رەت مەتالدىق كرەمني ءوندىرۋدى باستاعان بۇل كاسىپورىن وسى ۋاقىتقا دەيىن ونىڭ 8 مىڭ تونناسىن الدى. جو­عا­رى تەحنولوگيالىق قوندىر­عى­لار جاساۋدا قولدانىلاتىن مۇن­داي ءونىم ءتۇرى الەمدە ءالى دە سيرەك. سوعان بايلانىستى وتە ءوتىمدى. سوندىقتان قاراعاندى كرەم­نيى­نىڭ بارلىعى, ياعني 100 پايىزى سىرت­قى رىنوكتا ۇلكەن سۇرانىسقا يە تاۋارعا اينالدى. ونىڭ ساپالىق كورسەتكىشى 99,4-99,6 پايىزدى قۇرايدى. جا­قىندا زاۋىتتىڭ ەكىنشى كەزەگىنىڭ قۇرىلىسىن سالۋ تۋرالى شەشىم قابىلداندى.

ايقىن نەسىپباي. قاراعاندى.