كۇن ءتارتىبى بەكىتىلدى

كەشە پارلامەنت ءماجىلىسىنىڭ توراعاسى ورال مۇحامەد­جا­نوۆتىڭ جەتەكشىلىگىمەن پالاتا بيۋروسىنىڭ وتىرىسى ءوتتى. وندا الداعى اپتادا ءماجىلىستىڭ جالپى وتىرىسىنا شىعا­رى­لاتىن ماسەلەلەر ساراپقا سالىندى, دەپ حابارلادى وسى پالاتانىڭ ءباسپاسوز قىزمەتى. حالىقارالىق ىستەر, قورعانىس جانە قاۋىپسىزدىك كوميتەتىنىڭ ءبىر­قا­تار زاڭ جوبالارىن دەپۋتات­تار­دىڭ تالقىسىنا شىعارۋ ءجو­نىن­دەگى ۇسىنىسى قارالدى. اتاپ ايت­قاندا, «كەدەن وداعىنىڭ جانە كەدەن وداعىنا مۇشە مەملە­كەت­تەردىڭ كەدەن زاڭناماسىن بۇزعانى ءۇشىن قىلمىستىق جانە اكىمشىلىك جاۋاپكەرشىلىكتىڭ ەرەكشەلىكتەرى تۋرالى شارتتى راتيفيكاتسيالاۋ تۋرالى», «كەدەن وداعىنا مۇشە مەملەكەتتەردىڭ كەدەن ورگان­دارى­نىڭ قىلمىستىق ىستەر مەن اكىم­شىلىك قۇقىق بۇزۋشىلىق تۋرالى ىستەر بويىنشا قۇقىقتىق كومەگى جانە ءوزارا ءىس-قيمىلى تۋرالى كەلىسىمدى راتيفيكاتسيالاۋ تۋرالى», «قازاقستان رەسپۋبليكاسىنىڭ ۇكى­مەتى مەن بەلارۋس رەسپۋب­لي­كاسىنىڭ ۇكىمەتى اراسىنداعى ازا­ماتتىق قورعانىس, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ىنتى­ماق­تاستىق تۋرالى كەلىسىمدى راتيفيكاتسيالاۋ تۋرالى», «مادەني قۇندىلىقتاردى زاڭسىز اكەلۋگە, اكەتۋگە جانە ولارعا مەنشىك قۇ­قى­عىن بەرۋگە تىيىم سالۋ مەن ولاردىڭ الدىن الۋعا باعىت­تال­عان شارالار تۋرالى كونۆەنتسيانى راتيفيكاتسيالاۋ تۋرالى» زاڭ جوبالارى جالپى وتىرىستىڭ كۇن تارتىبىنە ەنگىزىلەتىن بولدى. ۇكىمەتتەن ماجىلىسكە كەلىپ تۇسكەن جاڭا زاڭ جوبالارى بوي­ىن­شا قورىتىندى ازىرلەۋ ماسە­لە­سى قارالاتىن بولدى. بيۋرو وتى­رى­سىندا ءماجىلىستىڭ زاڭ شىعار­ما­شىلىق ىسىنە قاتىستى باسقا دا ماسەلەلەر قارالدى.