جاقىندا كوكپەكتى اۋدانىنىڭ اكىمى دۇيسەنعازى مۋسين تىلشىلەر قوسىنىنا تەلەفون شالىپ, ەل تاۋەلسىزدىگىنىڭ 20 جىلدىعى قۇرمەتىنە قايىرىمدىلىق شارالارىنىڭ قىزۋ ءوتىپ جاتقانىن حابارلادى. اكىمنىڭ ايتۋىنشا, ايلىق باستالعاننان بەرى اۋداندا از قامتىلعان تۇرعىندارمەن 40-تان استام كەزدەسۋلەر ءوتىپ, 30-دان استام تەگىن كونتسەرتتەر بەرىلىپتى. تۇرمىسى ناشار جاندارعا 15 ميلليونعا جۋىق تەڭگەنىڭ قايىرىمدىلىق كومەگى كورسەتىلگەن.
ەل تاۋەلسىزدىگىنىڭ 20 جىلدىعى قارساڭىندا بارلىق اۋىلدىق وكرۋگتەردە «مەرەيلى مەرەكەگە – 20 جارقىن ءىس» اكتسيالارى وتۋدە. ماسەلەن, اۋحاديەۆ اتىنداعى, كوكجايىق, تەرەكتى, كازناكوۆكا اۋىلدىق وكرۋگتەرىندە اعاش وتىرعىزۋ, كوشەلەردى كورىكتەندىرۋ, الەۋمەتتىك عيماراتتاردى جوندەۋ جۇمىستارى جۇرگىزىلگەن. ال قايىرىمدىلىق شارالارى جىل سوڭىنا دەيىن جالعاسا بەرمەك.
وڭداسىن ەلۋباي.
شىعىس قازاقستان وبلىسى, كوكپەكتى اۋدانى.