باستالعان جوندەۋ جۇمىستارى اياقتالۋى ءتيىس

قاراعاندى وبلىسىنداعى نۇرا اۋدانىنىڭ جولدارى استا­نا­مىز­­دى ازىق-ت ۇلىكپەن قامتا­ما­سىز ەتۋگە تىكەلەي قاتىسى بار ينف­را­قۇ­رىلىم بولىپ تا­بىلادى. ال وسى استانا – قا­بانباي باتىر – كيەۆكا با­عى­تىنداعى رەسپۋبليكالىق ما­ڭى­زى بار جول جوندەۋدى تالاپ ەتىپ وتىر. بۇل باعىتتا باس­تالعان يگى ىستەر ءوز جالعاسىن تاۋىپ, وي­دا­عىداي اياقتالسا دەگەن نيەتتەمىن. سونىمەن, جولدىڭ جالپى ۇزىن­دىعى – 100 شاقىرىم بولسا, ونىڭ ىشىندە استانا – 16, اقمولا وبلىسى بويىنشا – 35 (16-51 كم) جانە قاراعاندى وبلىسى بويىنشا 49 شاقىرىمدى (51-100 كم) قۇ­راي­دى. ءىىى جول كاتەگورياسىنا جا­تا­دى. ورتاشا العاندا تاۋلىگىنە 3012 كولىك ءجۇرىپ وتەدى. استانا قالاسى بويىنشا 2010 جىلدان 7 شاقىرىم (9-16 كم) ۋچاس­كەسى رەكونسترۋكتسيالانۋدان ءوت­كەن­نەن كەيىن ءى تەحنيكالىق كاتەگورياعا اۋىستىرىلاتىن بولادى. بيىلعى جىلدىڭ سوڭىنا دەيىن تولىق اياق­تاۋ كوزدەلىپ وتىر. اقمولا وبلىسى بويىنشا 2010 جىلى جالپى قۇنى 1 746 ملن. تەڭ­گە قۇراعان قاراعاندى وبلىسىنىڭ شەكاراسىنان قابانباي باتىر كەنتىنە دەيىنگى 16 شاقىرىم (35-51 كم) تاس جول كۇردەلى جوندەۋدەن ءوتىپ, پايدالانۋعا بەرىلگەن. سونى­مەن قاتار, قابانباي باتىر كەنتىنەن قوسشى كەنتىنە دەيىنگى 18 شاقىرىمىنىڭ (16-35 كم) قۇنى 2 630,7 ملن. تەڭگە بولسا, وسى ۋچاسكە قازىرگى تاڭدا كۇردەلى ءجون­دەۋ­دەن ءوتىپ جاتىر. ۇستىمىزدەگى جىل­دىڭ اياعىنا دەيىن جولدىڭ قۇنى 585,3 ملن. تەڭگە تۇراتىن 4 شا­قى­رى­مىن يگەرۋ مىندەتى قويىلىپ وتىر. جالپى, جۇمىستىڭ 2012 جىلى اياقتالۋىنا 1 928 ملن. تەڭگە ءبولۋ كوزدەلگەن. ال قارا­عان­دى وبلىسى بويىنشا قۇنى 1 605 ملن. تەڭگە قۇراعان 10 شاقىرىمى (51-53 كم, 74-77 كم, 85-90 كم ۋچاسكەلەرى) كۇردەلى جوندەۋدەن وتكەن. ەندىگى كەزەكتە ۇزىندىعى 21 شاقىرىم بولاتىن (53-74 كم) جولدى كۇردەلى جوندەۋدەن وتكىزۋ ماقساتىندا ونىڭ جوبالىق-سمە­تا­لىق قۇجاتىن جاساۋ جوسپارلانۋدا. ۇكىمەت وسى 21 شاقىرىمدى ءجون­دەۋ جۇمىستارىن الداعى جىل­عا جوسپارلاپ, ونىڭ اياقتالۋىن قامتاماسىز ەتۋى كەرەك. ويتكەنى, بۇل جول ءبىر جاعىنان استانا – قاراعاندى باعىتىنداعى جولعا بالاما بولىپ, ونىڭ جۇكتەمەسىن جەڭىلدەتە تۇسەر ەدى. داۋىلباي قۇسايىنوۆ, ءماجىلىس دەپۋتاتى.