پارلامەنت سەناتىنىڭ الەۋمەتتىك-مادەني دامۋ كوميتەتىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك الەۋمەتتىك تاپسىرىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى, دەپ حابارلادى وسى پالاتانىڭ ءباسپاسوز قىزمەتى.
زاڭ جوباسىنىڭ ماقساتى ۇكىمەتتىك ەمەس ۇيىمداردى مەملەكەتتىك قولداۋ جۇيەسىن جەتىلدىرۋ, مەملەكەتتىك الەۋمەتتىك تاپسىرىستى جۇزەگە اسىرۋ پروتسەسىندە تۋىندايتىن قوعامدىق قاتىناستار سۋبەكتىلەرىنىڭ ءبولىنەتىن بيۋدجەت قاراجاتىن ءتيىمدى پايدالانۋ جونىندەگى جاۋاپكەرشىلىگىن ارتتىرۋ بولىپ تابىلادى.
جوبا مەملەكەتتىك الەۋمەتتىك تاپسىرىس پروتسەسىنىڭ جاريالىلىعى مەن اشىقتىعىنا, مەملەكەتتىك الەۋمەتتىك تاپسىرىس بويىنشا قىزمەت بەرۋشىلەردى ساپالى ىرىكتەپ الۋعا قول جەتكىزۋ, مەملەكەتتىك ساياسات باسىمدىقتارىن جانە مەملەكەتتىك الەۋمەتتىك تاپسىرىستى ءبولۋ كەزىندە رەسپۋبليكا مەن ونىڭ جەكەلەگەن وڭىرلەرىنىڭ الەۋمەتتىك-ەكونوميكالىق دامۋ قاجەتتىلىكتەرىن ەسكەرۋ جونىندەگى پارمەندى تەتىكتەردى قۇرۋعا باعىتتالعان.
وسى زاڭ جوباسىمەن «مەملەكەتتىك الەۋمەتتىك تاپسىرىس تۋرالى» جانە «مەملەكەتتىك ساتىپ الۋ تۋرالى» زاڭدارعا ءوزگەرىستەر مەن تولىقتىرۋلار ەنگىزىلەدى.
زاڭ جوباسى پالاتانىڭ قاراۋىنا جىبەرىلدى.